Naqtylaı tússek, mınıstrlik sý tasqynynan zardap shekkenderge ótemaqy tóleıtini týraly áleýmettik jelilerde jáne messendjerlerde jalǵan aqparat tarap ketken-di. Aqparattyń artynda turǵan belgisiz tulǵalar tólemderdi alý úshin «Tolyǵyraq» batyrmasyn basýdy nemese siltemege ótýdi usynady.
«Memleket basshysynyń tapsyrmasyna sáıkes sý tasqynynan zardap shekken qazaqstandyqtarǵa jergilikti atqarýshy organdar birjolǵy tólem túrinde kómek kórsetedi. Olardyń mólsheri ár óńirde keltirilgen materıaldyq zalaldy esepteý úshin qurylǵan arnaıy komıssııalardyń sheshimi boıynsha jeke-jeke belgilenetin bolady.
Tıisinshe, habarlamada kórsetilgen silteme alaıaqtardyń azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin eshbir jaǵdaıda siltemege ótpeýge keńes beremiz. Memlekettik qoldaýdyń tıisti sharalary týraly resmı aqparat 1414 nómirinen SMS-habarlamalar arqyly ǵana taratylatynyn esterińizge salamyz. Azamattardy tek resmı aqparat kózderine súıenýge shaqyramyz. Jalǵan aqparat taratý zańmen jazalanatynyn esterińizge salamyz», delingen mınıstrliktiń baspasóz qyzmeti taratqan resmı habarlamada.
