Foto: Aqmola oblysy TJD
Aýmaqtyq TJD baspasóz qyzmetiniń málimetinshe, Jarqaıyń, Esil, Selınograd aýdandarynda tasqynǵa qarsy sharalarǵa Tótenshe jaǵdaılar mınıstrligi, Memlekettik kúzet qyzmeti, Ishki ister mınıstrligi, Qorǵanys mınıstrligi, atqarýshy organdar, sondaı-aq, volonterlar men jergilikti turǵyndardan barlyǵy 300-den astam adam jáne 50 tehnıka jumyldyrylǵan.
«Oblystyń birqatar jerlerinde sý tasqynynyń qaýipti kezeńi artta qaldy. Qosymsha kúshter men quraldar Atbasar jáne Jarqaıyń aýdandarynan ornalasqan jerlerine baǵyttaldy. Oblys boıynsha barlyǵy 95 eldi mekende jeke turǵyn úılerdi sý basýǵa jol berilmedi», dedi vedomstvodan.
