Tótenshe jaǵdaılar mınıstrligi ótken túnde, saǵat 2:47-de Jaıyq ózenindegi sý deńgeıi 858 sm-ge jetkenin habarlaǵan edi.
«Qazgıdromet» RMK BQO fılıaly 22 sáýir 08:00-degi jaǵdaı boıynsha sý 860 sm-ge jetkenin málimdedi.
Al Kóshim kanalynda sý deńgeıi 18 sm-ge kóterilip, 851 sm-ge jetip, qaýipti shekten (850 sm) 1 sm-ge asty. Aqjaıyq aýdanyndaǵy Taıpaq aýyly tusynda 521 sm-ge jetip, shekti deńgeıden 7 sm asqany baıqaldy. Sondaı-aq Chývashın aýylynda Shaǵan ózeni 9 sm-ge kóterildi. Qazir ózendegi sý mólsheri 740 sm, qaýipti shegi – 1 300 sm.
Báıterek aýdany Iаnvarsev aýyly tusynda Jaıyq ózeniniń deńgeıi 2 sm-ge tústi.
Keıingi táýlikte Oral qalasynyń mańyndaǵy sý basqan saıajaı ýchaskelerinen qutqarýshylar ondaǵan úı janýarlaryn evakýasııalady. Veterınarlyq ınspeksııa qyzmetkerleri mysyq pen ıtterdi pıtomnıkterge jetkizdi.
