Nátıjesinde otandastarymyz Naýryz meıramy qalaı atap ótiletini jáne oǵan qalaı daıyndalatyny týraly 27 myńnan astam beınebaıan men fotokontent jasaǵan.
Osylaısha bıyl da TikTok Naýryz meıramynyń qurmetine aýqymdy onlaın-festıval uıymdastyra otyryp, elimizdiń ár túkpirindegi otandastarymyzdy merekelik kóńil-kúılerimen bólisýge shaqyrdy.
Joǵaryda atap ótkendeı, bastamaǵa Mádenıet jáne aqparat mınıstrligi, Týrızm jáne sport mınıstrligimen birge «Kazakh Tourism» ulttyq kompanııasy qoldaý bildirdi. Sondaı-aq jobaǵa sýretshi Assol sııaqty tanymal avtorlar qoldaý tanytyp, kóńildi shyǵarmashylyq quttyqtaý-rolıgin joldady.
Qazaqstan qalalarynyń mádenıeti men tarıhy týraly tanymdyq kontenttiń avtory Mıtıa Baınazarov Naýryz tarıhy týraly beınerolık jazsa, dombyrashy Beles barshaǵa áıgili bolǵan merekelik ánniń qalaı týǵany týraly baıandap, Qazaqstannyń kórikti mekenderinen mýzykalyq beınebaıan túsirgen.
Jobaǵa at salysqan barsha qoldanýshylardyń arasynan eń kreatıvti beınerolıkterdiń avtorlary anyqtaldy. Jeńisti oryndar: kontent avtory @araika_baibek Naýryz-kójege arnalǵan estetıkalyq beıne-máziri; Dombyranyń qulaǵynda oınaǵan @aitolkyn_toktagan, sondaı-aq Oral qalasyndaǵy mektepterdiń birinde tamasha atap ótilgen Naýryz meıramy týraly beınerolıkttiń avtory @umit_adilbekovna.
Jeńimpazdardyń barlyǵy TikTok syılyqtaryna ıe bolady.
«Bıylǵy bizdiń birlesken jobamyz tańqalarlyq nátıjelerimen qýantty. Sol, merekelik mazmunnyń eki esege artýy qazaqstandyqtardyń ulttyq jáne mádenı qundylyqtarǵa barynsha nazar aýdara bastaǵanyn kórsetedi. Onyń ústine jyl ótken saıyn Naýryz meıramynyń aýqymy da ulǵaıyp jatyr. Osy jobaǵa qatysqan barsha otandastaryma alǵys aıta otyryp, jeńimpazdardy quttyqtaǵym keledi. Aldaǵy ýaqytta da bizdiń jobamyzdyń aýqymy burynǵydan da keńeıe túsedi dep oılaımyn. О́ıtkeni qundylyqtarymyzdyń baǵasy men mánin azamattarymyzdyń ortasynda ǵana emes, sonymen qatar sheteldik aýdıtorııa arasynda nasıhattaý jumystary osylaı júredi», deıdi «Kazakh Tourism» ulttyq kompanııasynyń Basqarma tóraǵasy Qaırat Sádýaqasov.
«Biz kezekti ret Qazaqstandaǵy TikTok qaýymdastyǵyna ózderiniń súıikti meıramyn tek otbasy men jaqyndarynyń ortasynda ǵana emes, sonymen birge platformanyń myńdaǵan qoldanýshylarymen birge atap ótýge múmkindik bergenimizge qýanyshtymyz. Bıyl qoldanýshylardyń ózderiniń tól mádenıetine degen qyzyǵýshylyqtary artqanyn baıqadyq: bıyl olar ótken jylǵy Naýryz merekesine qaraǵanda eki esege kóp kontent qurdy. Demek, bul – burynǵydan da mol kúlki, dastarhan dámi, mýzykalar, kóterińki kóńil-kúı men bıge qosa, TikTok-ty toltyrǵan qarapaıym ǵana baqytty sátter», deıdi TikTok-tyń Shyǵys Eýropa men Ortalyq Azııadaǵy operasııalyq bóliminiń basshysy Ekaterına Blınes.
