«Jeńiske qurmet» marafon aksııasy Semeı qalasyna jetti

Semeı halqy keshe Qazaqstan Res­pýb­lıkasynyń Prezıdenti, Qarýly Kúsh­terdiń Joǵarǵy Bas qolbasshysy Nur­sultan Nazarbaevtyń bastamasymen jolǵa shyqqan «Jeńiske qurmet» marafon aksııasyn kútip aldy. Marafon Uly Jeńistiń 70 jyldyǵyna arnalyp otyr. Ofıserlerdiń Garnızon úıinde ótken saltanatqa qala halqymen birge, soǵys arda­ger­leri jáne áskerı qyzmetkerler jı­naldy. Jıyn barysynda «Shyǵys» áskerı óńirlik qol­bas­shy­lyǵyna Qaraǵandydan ákelin­gen Jeńis jalaýy resmı túrde tabystaldy. «Shyǵys» óńirlik áskerı qol­basshylyǵy qolbasshysynyń tárbıe isi jáne áleýmettik-quqyqtyq jumystar jónindegi orynbasary A. Muqataevtyń aıtýynsha, bul jalpyulttyq aksııa elimizdiń barlyq qalalarynda ótkiziledi. Aksııanyń taǵy bir maq­saty onsyz da qatary azaıyp qalǵan Uly Otan soǵysynyń ardagerlerine qurmet kórsetý bolyp tabylady. – Biz «Astana» óńirlik qol­bas­shylyǵynan Elbasy tapsyrmasyna oraı jetkizilgen Jeńis jalaýyn kórgen sátimizdi erekshe baǵalaımyz, – dedi soǵys arda­geri Ǵabdýlǵazız Ahmerov. – Sol kezdegi Keńes Odaǵynyń bas­qa halyqtarmen birge jaý­dy talqandap, jeńiske jetý isine qazaqtar da óziniń laıyqty úle­sin qosty. Qazaqstandyq jaýyn­gerler Brest qamalynan bas­tap Berlınge deıin bardy. Olar Stalıngrad túbindegi jer­tólelerde, Dnepr ótkelinde, Máskeý men Lenıngrad úshin bol­ǵan urystarda batyl erlikter kór­setti. Ýkraınany, Kavkazdy, Belorýssııany, Qyrymdy, Bal­tyq boıy elderin jaý qolynan janqııarlyqpen azat etti. Polsha, Rýmynııa, Vengrııa, Cheho­slovakııa, Bolgarııa, Germa­nııa jerlerindegi maıdan joldarynda Jeńis týyn kóterip ótti. Uly Otan soǵysy jyldaryn­da biz­diń qandastarymyz qatys­pa­ǵan birde-bir úlken shaıqas joq. Saltanatty kesh sońy kon­sert­tik baǵdarlamaǵa ulasty. Jeńis jalaýy Qazaqstannyń bar­lyq jerinde bolýy kerek. Aksııa Semeıden keıin Qap­sha­ǵaıda, Otarda, Aqtaýda, Almatyda jalǵasady. 15 qańtar­da Astanadaǵy «Jas ulan» mek­te­binde aıaqtalady. Sol jerde ardagerler jas urpaqqa osy ja­laýdy tapsyryp, bolashaqta otansúıgish patrıot, elin, jerin qorǵaıtyn azamat bolyp ósýleri úshin estelikter aıtyp, jastarǵa áskerı-rýhanı baǵyt beretin bolady. Raýshan NUǴMANBEKOVA. SEMEI. Sýretti túsirgen avtor.