foto: TJM
«Tabıǵat apatyn eńseretin kún alys emes. Topan sý ketken soń odan zardap shekken aımaqtar qalpyna keltiriledi. Eń aldymen, azamattarǵa shyǵyndaryn óteý úshin tıisti ótemaqy tólenedi. Úı-jaı qurylysy bastalady, baspana beriledi, búlingen ınfraqurylym jóndeledi. Osy qyrýar jumys óte az ýaqytta, ıaǵnı jaz ben kúzdiń 5-aq aıynda aıaqtalýǵa tıis», dedi Memleket basshysy Qazaqstan halqy Assambleıasynyń HHHIII sessııasynyń otyrysy barysynda.
Sonymen qatar Prezıdent zardap shekken ár shańyraqqa bir rettik kómek beriletinin atap ótti.
«Alapat tasqynnyń kesirinen myńdaǵan adam mal-múlkinen aıyrylyp, tabyssyz qaldy. Sondyqtan memleket azamattardy qoldaý úshin naqty sharalar qabyldap jatyr. Budan bólek, shyǵyndy sanaǵannan keıin joıylǵan nemese zaqymdalǵan múlik úshin de ótemaqy beriledi. Memleket búlingen baspanalardy jóndeıdi, qırap qalǵan úılerdiń ornyna jańasyn salady. Tasqynnan keıin aýyldar jańa kelbetke ıe bolady», dedi el Prezıdenti.
Memleket basshysynyń aıtýynsha, qurylys salatyn jerdi tańdaǵanda eldi mekenniń gıdrologııalyq jáne geografııalyq ereksheligin qaperde ustaǵan abzal.
«О́zen jaǵasyna úı salý qaýipti, ony qaıtadan sý shaıyp ketýi múmkin ekenin eskergen jón. Ákimdikter tıisti ereje talaptaryn qatań saqtaýǵa tıis. Aldaǵy aýqymdy qurylys jumystary jurtqa jańa múmkindikter beredi dep oılaımyn», dedi Q.Toqaev.
