«Ozyq damyǵan memleket qurý úshin bizdiń azamattarymyz jańasha oılaı bilýge jáne jasampazdyqqa umtylýy kerek. Sol sebepti biz qoǵamda bilimpazdyqty dáripteýge, bilim jáne ǵylym salasyn damytýǵa basa mán berip kelemiz», degen edi el Prezıdenti Atyraýda ótken Ulttyq quryltaıda.
«Mekteptiń jasyl aýmaǵy» jobasy negizinde qanat qaqqan jańa jobaǵa Qaraǵandy oblystyq Ekomurajaı qyzmetkerleri, «Qazaqmys» korporasııasy» JShS jáne «The Ulytau Educational Foundation» qaıyrymdylyq qory qoldaý kórsetken.
Endi mektep oqýshylary tamshylatyp sýarylatyn tájirıbelik alańda kógaldandyrýmen óz betinshe aınalysyp, zertteý jumystaryn júrgizedi. Buǵan deıin dál osyndaı tájirıbe shahardaǵy Rýsakov atyndaǵy №2 mektep-ınternatynda jasalǵan. Joba jetekshileri balqashtyq oqýshylardan oń nátıje kútip otyr. Qazirgi kezde joba aıasynda 100 kóshet egilip, sýarýǵa arnalǵan konteınerler ornatyldy. Jylyjaı men zerthanadaǵy sabaqtar Jaratylystaný jáne Bıologııa pánderi boıynsha ótedi. Balalar óz óńirleriniń jaǵdaıyna beıimdelgen ósimdikterdi ósirý tehnologııalaryn tańdaý boıynsha zertteýlerin júrgizedi. Munymen qosa, jylyjaı ónimderin baptaıdy. Eko-joba balalarǵa tabıǵatty aıalaýdy ǵana sezinbeı, ósimdikti ósirip, ónim alý jolyn teorııalyq-tájirıbelik turǵydan úıretedi.
– Qaraǵandy oblysy úshin, atap aıtqanda, Balqash qalasy úshin ekologııa máselesi birinshi kezekte. Qazirdiń ózinde bar jáne bolashaqta oqýshylardyń ózderi mektep aýmaǵyna egetin aǵashtar shýdy azaıtady jáne aýa sapasyn jaqsartady, – deıdi Qaraǵandy oblystyq ekologııalyq murajaıynyń óndiris jónindegi dırektory Ekaterına Oborına.
Joba avtorlary jylyjaıda tek bıologııa páni muǵalimderi ǵana jumys istemeıtinin, ósimdikti jany súıetin pedagogterge de múmkindik baryn aıtady.
– E.Bóketov atyndaǵy Qaraǵandy zertteý ýnıversıtetiniń botanıka kafedrasynyń oqytýshysy Denıs Sırman oqýshylarǵa semınar ótkizdi. Ol ósimdik sharýashylyǵyndaǵy jalpy qaǵıdattar men zamanaýı tehnologııalar týraly aıtyp, zerthanada, jylyjaıda jáne tájirıbe alańynda jumys isteý boıynsha egjeı-tegjeıli usynystar berdi. Semınarda biz tuqymdardy qalaı durys egý jáne ósimdik qaldyqtaryn kompostaý kerektigin bildik. Sondaı-aq ózimizdiń alǵashqy ósimdikterimizdi ektik, olarǵa biz odan ári kútim jasaımyz, – deıdi Álimhan Ermekov atyndaǵy mektep-lıseıiniń 8-synyp oqýshysy Amelııa Ysqaqova.
Aldaǵy ýaqytta jylyjaı kesheninde oqýshylar ǵylymı-zertteý jumysyn júrgizip, respýblıkalyq baıqaýlarda jumystaryn qorǵaıtyn bolady.
Balqash qalasy
