Sessııada búkil qoǵamdy – qutqarýshylar men eriktilerdi, memlekettik qyzmetshiler men bıznes ókilderin, azamattyq belsendileri men elimizdiń barlyq óńir jastaryn biriktirý máselesine basa nazar aýdaryldy.
Sý tasqynymen kúreske qoǵam belsendileri zor úles qosty. Eriktiler zardap shekkenderge járdem berip, gýmanıtarlyq kómek jınaý isin uıymdastyryp jatyr. Bul – otandastarymyzdyń aýyzbirligi men azamattyq jaýapkershiliginiń aıqyn kórinisi. Eń bastysy, Prezıdent zardap shekkenderdiń barlyǵyna keltirilgen zalal ótelip, bul qıyndyqpen eshkim jalǵyz qalmaıtyndyǵyna sendirip otyr. Ol úshin elimizde bıýdjet shyǵystary qysqartylyp, qarajatty únemdeýdiń qatań rejimi engiziledi. El turǵyndarynyń qalypty ómirge múmkindiginshe tezirek oralýy úshin memleket bárin jasaıdy.
Aleksandr ÝRMAShOV,
Qaraǵandy oblysy «Assambleıa jastary» uıymy ókildiginiń tóraǵasy
