«Tekserý qorytyndysy boıynsha, vıdeoda beınelengen prokýrorlar túrli tártiptik jaýapkershilikke tartyldy», dep jaýap berdi Bas prokýratýra Tengrinews.kz redaksııasynyń resmı saýalyna.
Aıta keteıik, buǵan deıin áleýmettik jeli qoldanýshylary qashyp bara jatqan prokýrordy vıdeoǵa túsirgen blogerdi de jaýapqa tartýǵa shaqyrǵan edi.
«Almaty oblysynyń prokýratýrasy vıdeony túsirgen blogerdiń jaýapkershiligi týraly másele kótergen joq, alaıda vıdeoda kórsetilgen qyzmetkerler jeke quqyqtaryn qorǵaý úshin sotqa óz betinshe júginýge quqyly», dep qosty Bas prokýratýranyń kadr qyzmeti departamenti.
Buǵan deıin áleýmettik jelide qashyp júrgen prokýrordyń vıdeosy tarap ketken edi. Belgili bolǵandaı, vıdeo Qonaev qalasynda túsirilgen. Bastapqyda vıdeo avtoryna prokýratýranyń eki qyzmetkeriniń temeki shegip, kúldi jerge silkip tastaǵany unamaǵan. Artynsha qyzmetkerlerdiń biri ǵımaratqa kirip, ekinshisi qasha bastaǵan.
