Veterınarlarǵa – arnaýly kólikter

Atyraý oblysynyń veterınarlary úshin arnaıy jabdyqtalǵan 14 avtokólik alyndy. Veterınarııa basqarmasynyń basshysy Nurolla Sátenovtiń málim etýinshe, aýrý maldardy tasymaldaýǵa arnaıy jabdyqtalǵan kólikterdi satyp alýǵa respýblıkalyq bıýdjetten 178 mıllıon teńge bólinipti. Ár kólikte dezınfeksııalyq qon­dyrǵy ornatylǵan. Mal sanynyń kóptigimen erekshelenetin Qyzyl­qoǵa aýdanyna – eki, al qalǵan aýdandarǵa bir kólikten bólindi. Statıstıkalyq málimetterge qaraǵanda, qazir oblys sharýa­gerleriniń baǵymynda 600 myńdaı qoı-eshki, 200 myń sıyr, 50 myńnan astam túıe men 30 myń jylqy bar dep esepteledi. Sońǵy bes jylda jeke ıelik­tegi maldyń brýsellezben aýyrý kórsetkishi 4 esege deıin azaıypty. Bıyl osy aýrýdyń aldyn alý úshin vaksına salýǵa respýblıkalyq bıýdjetten bólingen 275 mıllıon teńge tolyqtaı ıgerilipti. «Endi bıyl osy maqsattaǵy jumystardy jalǵastyrý úshin jer­gilikti bıýdjetten 10 mıllıon teńge bólindi», deıdi bas veterınar Nurolla Sátenov. Osy aıdan bastap 34 maman 10 arna­ıy kólikpen aldyn ala saýyq­tyrý jumystaryna kirisedi. Joldasbek ShО́PEǴUL, «Egemen Qazaqstan». Atyraý oblysy. Sýretti túsirgen Rahym QOILYBAEV.