34 jastaǵy azamat endi aldaǵy úsh jarym jylyn temir torda ótkizedi.
Jergilikti turǵyn eki jyl boıy jolserikterdi qorqytyp-úrkitip, óziniń qaltasyn qampaıtyp otyrǵan. Semeı arqyly qatynaıtyn jolaýshylar poıyzyna minip, qyzmetkerlerdi masqaralaıtyn beınematerıaldardy túsirýmen aınalysypty. Keıin ózin «bloger» jáne «qoǵam qaıratkeri» retinde tanystyryp, «áleýmettik jelige jarııalaımyn» dep qorqytqan. Osydan úreıi ushqandar beınematerıaldardy joıý úshin aqsha berýge májbúr bolǵan.
Bopsalaýshy bloger eki jylda on mıllıon teńgeden astam aqsha alǵany anyqtaldy. Onyń jymysqy áreketinen 25 jolserik zardap shekken. Kinási tolyq dáleldengen bloger endi úsh jarym jyl túrmede otyryp, jábirlenýshilerdiń shyǵynyn tolyq óteýge mindetteldi.
- QR QK 58-baby 3-bóligi boıynsha jeńil jaza aýyr jazaǵa sińirip, úsh jyl alty aı bas bostandyǵynan aıyrý jazasy taǵaıyndalsyn. Jaza qylmystyq atqarý júıesiniń orta, ortasha qaýipsizdik mekemesinde ótelsin. Jaza merzimi úkim zańdy kúshine engennen keıin eseptelsin, - dedi Semeı qalasynyń №2 sotynyń sýdıasy Erjan Áýbakirov.
