Qazirde oblys kóleminde kógaldandyrý jumysy qarqyn alyp keledi. Jalpy, bıylǵy jyldyń ózinde 123 myńǵa jýyq kóshet otyrǵyzý josparlanǵan.
Búgin О́skemende «Qazaqstan» taýynyń eteginde senbilik ótip, kóshetter otyrǵyzyldy. Sharaǵa qala qonaqtary, eriktiler jáne memlekettik organ ókilderi men jeke kásiporyn ujymdary da qatysty.
«Otanǵa, eline degen mahabbat tazalyqtan jáne eńbekqorlyqtan bastalýy qajet. Sondyqtan,búgingi biregeı shara jastar arasynda dástúrge aınalyp qana qoımaı, óskeleń urpaqqa jaqsy úlgi bolady degen senimdemin», dedi oblys ákimi Ermek Kósherbaev.
Shyǵysqazaqstandyqtar «Taza Qazaqstan» aksııasyna qatysýda belsendilik tanytty. Aksııanyń birinshi aptalyǵy «Taza О́lke» aıasynda 21,4 myń aýla tazalanyp, 6 myń tonnadan astam qoqys shyǵaryldy.
«Kıeli meken» aptalyǵynda 161 qoǵamdyq oryn, skver jáne 136 eskertkish tazalandy. Al «О́negeli urpaq» aptasynda oblystaǵy ardagerler men qarttardyń aýlasy tazalanyp, senbilikter ótti. Endigi kezekte «Móldir bulaq» aptalyǵynda aryqtar men bulaq kózderi tazalaýdan ótpek.
