Foto: Vıdeoskrın. Vedomstvo
Sý tasqyny kezinde «Qazsýshar» mekemesiniń Soltústik Qazaqstan fılıalynyń mamandary Sergeev sý torabynyń jaǵalaýyn nyǵaıtý jumysyn júrgizdi. 82 tonnadan astam kesek tas, 15 temirbeton plıta, 25 temirbeton bloktary jáne basqa materıaldar tóseldi.
Kaztalov aýdanynda kóktemgi tasqyn sýyn apatsyz ótkizý úshin «Qazsýshardyń» Batys Qazaqstan fılıaly Úlken О́zen ózenindegi ýaqytsha jer bógetterin ashty. Nátıjesinde sý lımandar men tabıǵı shabyndyqtarǵa jiberilip, eldi mekenderdi sý basý qaýpi azaıdy. Sonymen qatar sý tasqynynyń ekinshi tolqyny kezinde Oral-Kóshim sýarý-sýlandyrý júıesiniń 4 sý qoımasyna sý jınalyp jatyr. Qazir olarda 200 mıllıon tekshe metrden astam sý jınaldy, bul jalpy kólemniń 84% quraıdy. «Qazsýshar» mamandary Reseı Federasııasynyń Orynbor jáne Saratov oblystarynyń sý qyzmetterimen únemi aqparat almasady.
Abaı oblysynyń Úrjar aýdanynda Qarakól sý qoımasynyń qurylystary jáne Kókpekti aýdanynda Úlken Bóken ózenindegi sý toraby tazartyldy.
Shyǵys Qazaqstan fılıaly Kúrshim aýdanyndaǵy «Jaýǵashty» magıstraldyq kanalynyń bas qurylysyn tazartty. Marqakól aýdanynyń Orta-Terekti sý qoımasynda ınertti materıaldar daıyndaldy.
«Qazsýshar» mekemesiniń D.Qonaev atyndaǵy Úlken Almaty kanaly fılıaly Qaraturyq sýarý alabynyń sharýashylyq jelisin mehanıkalyq ádispen tazartty. Sondaı-aq «Obedınıtelnyı» magıstraldyq kanalynyń túbin betondaý jumysy júrip jatyr.
Úlken Almaty kanalynyń avarııalyq ýchaskelerin rekonstrýksııalaý júrgizilip jatyr. Sýarý maýsymyna tolyq daıyndyqty qamtamasyz etý úshin jumys eki aýysymda atqarylyp jatyr. Budan basqa, Almaty oblysynyń Ile jáne Jambyl aýdandary sharýalaryn sýmen qamtamasyz etetin sol jaǵalaýdaǵy magıstraldyq kanaldy betondaý jáne mehanıkalyq tazartý jumysy júrgizilip jatyr.
Erigen qar jáne jańbyr sýyn kedergisiz ótkizý úshin Almaty oblysy boıynsha fılıal Qurtty jáne Shelek ózenderi arnalaryn tazartady.
«Qazsýshar» mekemesiniń Aqmola fılıaly mamandary «Alva» lımandy sýarý júıesiniń bógetine ınertti materıaldar tósedi. Osylaısha, bógettiń buzylý qaýpi azaıdy.
Sýarý kezeńine daıyndyq úshin Jambyl oblysy boıynsha «Qazsýshar» fılıaly jalpy uzyndyǵy 48 shaqyrym bolatyn 6 kanalda mehanıkalyq tazalaý jáne jóndeý jumystaryn júrgizdi.
Sondaı-aq Saza kanalynyń jaǵalaýyn nyǵaıtý jumystary atqaryldy.
Qordaı aýdanynda Georgıevskıı magıstraldyq kanaly tazartyldy. Merki aýdanynda 11 sý beketi jóndelip jatyr, odan keıin taǵy 20 sý beketi jóndeledi. Sondaı-aq R-3 arnasyn sýarý maýsymyna daıyndaý jumysy júrip jatyr.
«Qazsýshardyń» Qyzylorda fılıaly jalpy uzyndyǵy 51,4 shaqyrym 11 arnany mehanıkalyq ádispen tazalap, sondaı-aq 19 gıdrotehnıkalyq qurylysty jáne 23 gıdropostty jóndeýden ótkizdi. Qazirgi ýaqytta 32,7 shaqyrym kanal tazartylyp, 9 gıdrotehnıkalyq qurylym jóndeldi. 20 gıdroposttaǵy kópirler qaıta jańartylyp jatyr.
Jetisý oblysy boıynsha «Qazsýshar» fılıaly bıyl 173,1 shaqyrym kanaldy tazartýdy, 54 gıdrotehnıkalyq qurylysty jáne 10 gıdropostty jóndeýden ótkizýdi josparlap otyr. Búgingi tańda 40 shaqyrym kanal tazartyldy, 1 gıdrotehnıkalyq qurylys salyndy, 4–i jóndeldi. 1060 sharýa qojalyǵymen sý berý týraly sharttarǵa qol qoıyldy. Fermerler 20 myń gektarǵa jýyq alqapty sýarý úshin 174 mıllıon tekshe metr sý alady.
Sýarý kezeńine daıyndyq úshin «Qazsýshar» mekemesiniń Túrkistan oblysy boıynsha fılıaly 33 kanaldy mehanıkalyq ádispen tazalaý jumysyn júrgizdi. Sý qoımalarynyń tasqyn sýyn qabyldaýǵa daıyndyǵyn baǵalaý úshin olardyń tehnıkalyq jaǵdaıyna tekseris júrgizildi. Sondaı-aq tehnıka da tekserilip, qajetti ınertti materıaldar daıyndaldy.
«Qazsýshardyń» Qaraǵandy fılıaly Jartas sý qoımasyndaǵy Jartas jáne Malokomspaı magıstraldyq kanaldary ýchaskeleriniń beton betkeıleri men túbine jóndeý jumysyn júrgizedi. Arnalardy laı men ósimdikterden tazartý da bastaldy. 5 gıdrotehnıkalyq qurylysta jergilikti dabyl júıeleri ornatylyp jatyr.
