Foto: primeminister.kz
«Memleket basshysynyń Jarlyǵymen Baǵdat Batyrbekuly Mýsın Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri laýazymynan bosatyldy», delingen Aqorda habarlamasynda.
Baǵdat Mýsın 1983 jyly Ekibastuzda týǵan.
Súleımen Demırel ýnıversıtetin (2000-2004) «kompıýterdiń tehnıkalyq jáne baǵdarlamalyq jasaqtamasy», Qazaq quqyqtaný jáne halyqaralyq qatynastar ınstıtýtyn (2004-2006) «quqyqtaný» mamandyǵy boıynsha bitirgen.
Mansaby:
«NAT» AQ, «Izet» JShS jáne basqa da jeke kompanııalar qyzmetkeri (2004 jylǵa deıin);
«Ulttyq aqparattyq tehnologııalar» aksıonerlik qoǵamynda ınjener-baǵdarlamashy, Kýálandyrý ortalyǵy bóliminiń basshysy, memlekettik organdarda IT bólimsheler qurý departamenti dırektorynyń orynbasary (09.2004-11.2007);
«AMANAT-insurance» BK» aksıonerlik qoǵamynda aqparattyq tehnologııalar jónindegi keńesshi-konsýltant (09.2004-11.2007);
Ádilet mınıstriniń aqparattyq tehnologııalar jónindegi keńesshisi jáne Aqparattyq tehnologııalar basqarmasynyń basshysy (11.2007-04.2010);
Baılanys jáne aqparat mınıstrliginde (Kólik jáne kommýnıkasııalar mınıstrligi) Aqparattyq tehnologııalar salasyndaǵy memlekettik saıasat departamenti dırektorynyń orynbasary (04.2010-04.2011);
Memlekettik qyzmetterdi avtomattandyrýdy baqylaý jáne Halyqqa qyzmet kórsetý ortalyqtarynyń qyzmetin úılestirý komıteti tóraǵasynyń orynbasary (04.2011-03.2012);
Memlekettik qyzmetterdi avtomattandyrýdy baqylaý jáne Halyqqa qyzmet kórsetý ortalyqtarynyń qyzmetin úılestirý komıtetiniń tóraǵasy (03.2012-04.2014);
«Ulttyq aqparattyq tehnologııalar» aksıonerlik qoǵamynyń Basqarma tóraǵasy (04.2014-08.2014);
«Qazposhta» aksıonerlik qoǵamynyń basqarma tóraǵasy (08.2014-01.2017);
Qazaqstan Respýblıkasy Bas prokýratýrasy quqyqtyq statıstıka jáne arnaıy esepke alý jónindegi komıtetiniń tóraǵasy (01.2017-05.2018);
Bi Group qurylys holdıngi basqarma tóraǵasynyń orynbasary jáne korporatıvtik-venchýrlik qordyń basshysy (05.2018-06.2019);
IT kásipker, ReKassa, Tastamat jáne basqa da IT-startaptardyń negizin qalaýshy (06.2019-03.2020);
Memleket basshysynyń О́kimimen Qazaqstan Respýblıkasy Prezıdentiniń sıfrlandyrý jáne ınnovasııalyq tehnologııalar jónindegi keńesshisi (03.2020-07.2020);
QR Sıfrlyq damý, ınnovasııalar jáne aeroǵarysh ónerkásibi mınıstriniń birinshi orynbasary (07.2020-09.2020);
QR Sıfrlyq damý, ınnovasııalar jáne aeroǵarysh ónerkásibi mınıstri (02.09.2020 bastap).
