Qoǵam • 01 Mamyr, 2024

Ulandyqtar birlik kúnimen quttyqtady

310 ret

kórsetildi

4 mın

oqý úshin

«Birlik bolmaı tirlik bolmas» demekshi, bereke men birlikti kózdegen dana halqymyz el úshin, jer úshin tirlik etýden jalyqpaǵan. Sol sebepti de elimizde 1 mamyr Qazaqstan halyqtarynyń birligi kúni bolyp esepteledi.

Egemen Qazaqstan

Bul mereke 1995 jyldyń 18 qazanynda Qazaqstan Respýblıkasy Prezıdentiniń jarlyǵymen bastaý alyp, 1996 jyldan bastap toılana bastady. Atalmysh merekege jyl saıyn elimizdiń aýmaǵynda turyp jatqan ult pen ulys ókilderi bir shańyraq astynda, tatý-tátti, bereke men birlikte turyp jatqandaryn toılaıdy. Bul - dostyqtyń, birliktiń jáne jasampazdyqtyń sımvoly!

Ult pen ulystyń yntymaǵyn dáripteıtin bul merekeniń qadir-qasıetin qazaq halqy óte jaqsy biledi. Sebebi, zamannyń qıyn qystaý kúnderine qaramastan, bizdiń qazaq halqy ózge ult ókilderin bir úıdiń balasyndaı qabyldap týys-baýyrdaı bolyp ketti. Osy oraıda atalmysh mereke qarsanynda kóptegen ult ókilderi qazaq halqymen tatý-tátti bir shańyraq astynda ómir súrip júrgenine alǵysyn jetkizedi.

Búginde bul mereke qarsanynda elimizdiń aıbyny bolǵan QR Ulttyq ulanynyń áskerı qyzmetkerleri halqymyzǵa óz quttyqtaýlaryn jetkizedi. Osy oraıda biz el aıbyny bolǵan Ulttyq ulannyń «Batys» óńirlik qolbasshylyǵynyń áskerı qyzmetkerleriniń quttyqtaýlaryn sizderge jetkizýdi jón sanadyq.

Eń alǵashqy bolyp óziniń ystyq iltıpatyn bildirgen «Batys» óńirlik qolbasshylyǵy qolbasshysynyń tehnıka jáne qarý-jaraq jónindegi orynbasary polkovnık Mýhataev Vıktor Asanovıch.

«Bizdiń memleketimizdiń táýelsizdik jyldaryndaǵy basty jetistikteriniń biri - elimizdiń halyqtarynyń ultaralyq kelisimi men ózara túsinistigi jáne syılastyǵy. Elimizde halyqtar arasyndaǵy dostyq pen birlik uǵymy óte jaqsy baǵalanady. Elimizdiń kópulttylyǵy men halyqtar arasyndaǵy dostastyǵy - elimizdiń basty baılyǵy men erekshelikteriniń biri. Sol sebepti de elimizdiń Tuńǵysh prezıdenti 1 mamyrdy Qazaqstan halqynyń birligi kúni dep bekitken bolatyn. Osy mereke qarsanynda elimizdegi barsha halyqty quttyqtaı otyra, yntymaqtastyq pen birliktiń nyǵaıýyn tileımin. Elimizde bereke men birlik árqashan arta bersin», dedi ol.

Al ekinshi bolyp «Batys» óńirlik qolbasshylyǵynyń 5517 áskerı bólim komandıriniń tyl jónindegi orynbasary Danko Rasım Vıktorovıch quttyqtady.

«Qazaq halqy árqashanda barlyq ultqa baýyrmaldyq tanytqan halyq. Tarıhtaǵy árbir kezeńderde elimizden pana izdep kelgen halyqtardy baýyryna basyp, tórinen oryn berip kómek kórsetken halyq. Osyndaı kómektiń arqasynda búginde halqymyz bir týdyn astynda 130 dan astam ult ókilderin jınap tatý-tátti ǵumyr keship jatyr. Osy oraıda elimizdiń birinshi basshysy 1 mamyr kúnin Qazaqstan halqynyń birligi kúni dep bekitken bolatyn. Bul mereke qarsanynda bir shańyraqtyń astyndaǵy halqymyzdyń dostyǵy men ózara túsinisti odan ári jalǵasyp, elimizdegi tatýlyq árdaıym berik bolýyn, árdaıym yntymaqtastyqtyń artýyn, birliktiń máńgi jasaı berýin tileımin», dedi ol.

Kelesi kezekte «Batys» óńirlik qolbasshylyǵynyń jaýyngerlik daıyndyq basqarmasynyń aǵa ofıseri podpolkovnık Chýlkın Anatolıı Anatolevıch.

«Birlik bar jerde tirlik bar dep bizdiń dana halyq beker aıtpaǵan. Aýyzbirlik pen túsinistiktiń arqasynda bizdiń elimizde ulttar tutastyǵy men halyqtar dostyǵy qalyptasqan. Osynyń arqasynda búginde bizdiń memleketimiz órkendep, ilgeri basyp keledi. Bul bizdiń memleketimizdiń óziniń táýelsizdigin alǵan jyldardaǵy eń úlken jetistigi desek te artyq aıtqanymyz emes. Osy oraıda men atalmysh merekemen quttyqtaı otyryp, el abyroıynyń artýyn, elimizdegi halyqtar dostastyǵynyń nyǵaıa berýin tileımin. Árqashan bereke-birligimiz artyp, alar asýlarymyz kóp bolsyn», dedi ol.