Is-sharaǵa Ǵylym jáne joǵary bilim mınıstri Saıasat Nurbek, Oqý-aǵartý mınıstrligi Orta bilim berý komıtetiniń tóraǵasy Qanybek Jumashev, Astana qalasy Bilim basqarmasynyń basshysy Qasymhan Senǵazyev, Abaı ýnıversıtetiniń Akademııalyq máseleler departamentiniń dırektory Haırýlla Janbekov, sonymen qatar mektep dırektorlary men ádiskerleri qatysty.
Konferensııa barysynda mınıstr Saıasat Nurbek óndiristik is-tájirıbesiniń joǵary deńgeıde ekenin atap ótip, stýdentterge alǵysyn bildirip, «Elordany jańa pedagogıkalyq kadrlarmen qamtamasyz etý jumysynyń alǵashqy nátıjelerin kórý – bilim berýdi damytýdaǵy mańyzdy qadam. Mektepterdegi stýdentterdiń pedagogıkalyq tájirıbesi sııaqty jobalar mektepterdi jańa mamandarmen qamtamasyz etip qana qoımaıdy, sonymen qatar stýdentterge bolashaq mansap jolynda qoldana alatyn qundy tájirıbe beredi. Bul elimizdiń bilim berý salasyn damytýdaǵy ózara tıimdi jáne mańyzdy kezeń», dep atap ótti.
Abaı ýnıversıteti atynan sóz alǵan Haırýlla Janbekov stýdentterdiń óndiristik tájirıbe barysyndaǵy jumysyna toqtalyp, aldaǵy oqý jylynda da ýnıversıtet Astana qalasymen birlesip jumys isteıtinin jetkizdi.
Abaı ýnıversıtetiniń 4 kýrs stýdenti Altyn Mendybaeva óndiristik is-tájirıbe barysyna qatysty oılarymen bólisse, kásibı mamandar stýdentterdiń muǵalimdik mindettiń qyr-syryna qatysty qoıǵan suraqtaryna jaýap berdi. Stýdentterdiń basym kópshiligi elorda mektepterinde jumys isteýge nıet bildirdi.
