Foto: tengrinews.kz
Halyk mobıldi qosymshasynda ata-analar kez kelgen ýaqytta balasynyń shotynda qansha aqsha jınalǵanyn óz betinshe teksere alady. Ol úshin «Memlekettik qyzmetter» bólimine ótip, balalaryńyzdyń qujattaryn kórýge bolatyn «Sıfrlyq qujattardy» tańdaýy qajet. Sondaı-aq qazirgi tańda Ulttyq qordan túsken qarajattyń mólsherinde sol jerden kórýge bolady.
Halyq banki osy baǵdarlamanyń ýákiletti operatory bola otyryp, óz klıentterine qamqorlyq jasap, Halyk mobıldi qosymshasynda Ulttyq qordan maqsatty jınaqtardy alýǵa ótinim berý múmkindigin engizdi. Endi 18 jasqa tolǵan bala tólemge óz betinshe ótinish berip, oqý aqysyn tóleý úshin qarajatty paıdalana alady. Neǵurlym tıimdi jınaqtaý úshin Ulttyq qordan tólemderdi AQYL bilim berý depozıtine aýdarýǵa bolatynyn aıta keteıik.
«AQYL depozıtiniń negizgi maqsaty – bul uzaq merzimdi baǵdarlama aıasynda memleket tarapynan balalarynyń bolashaqta elimizde nemese shetelde bilim alýy úshin qarajat jınaý múmkindigin berý. Baǵdarlama aıasynda memleket tarapynan beriletin syıaqy 7%-ǵa deıin, banktiń syıaqysyn eskere otyryp, salymnyń qaıtarymy shamamen 20%-ǵa jetýi múmkin. Jınaqtalǵan qarajatty qajet jaǵdaıda oqý aqysyn tóleý úshin paıdalanýǵa bolady», dedi «Halyk» basqarma tóraǵasynyń orynbasary Jumabek Mamýtov.
Qyrmyzy JUMAǴALIQYZY,
EUÝ stýdenti
