Bul kúnde kompanııa JI múmkindikterin fotosýretterden kólikterdiń syrylýyn oqýǵa arnalǵan baǵdarlamada paıdalanayp otyr. Osylaısha JI kóliktiń zaqymdaný dárejesi men sáıkesinshe, klıentke saqtandyrý tóleminiń mólsherin anyqtaýǵa múmkindik beredi. Baǵdarlama kólikte syrylýdyń bar-joqtyǵyn jáne kólemin anyqtaýǵa úıretilgen, sonymen qatar ashyq ChatGPT úlgisine qosyldy. Ol birden avtókóliktiń qanshalyqty syrylǵanyn kóre alady. Zaqymdaný anyqtalǵan kezde shyǵyn kólemin anyqtap, tóleý úshin mamandar óz jumysyna kirisedi. Jobanyń kelesi kezeńi – soǵylǵan, syrylǵan kólemin mólsherin avtomatty túrde anyqtaý bosa, qazir osy baǵytta úlken jumys júrgizilip jatyr.
Sonymen qatar basqa da sıfrlyq sheshimder belsendi túrde engizilip jatqanyn aıta ketý kerek. Jumystyń negizgi baǵyttarynyń biri – korporatıvtik bıznesti saqtandyrýdy sıfrlandyrý. Iаǵnı, bul 2025 jyly aıaqtalady dep josparlanyp otyrǵan memlekettik derekter bazasymen ıntegrasııany júrgizý. Osylaısha, Freedom Insurance óz júıelerin Zeınetaqy tóleý jónindegi memlekettik ortalyqpen, QR Memlekettik kirister komıtetimen, Sot kabınetimen, QR Memlekettik satyp alý jáne Korporatıvtik derekter agregatorymen biriktirýdi josparlap otyr. Osy bazalardyń derekterin paıdalana otyryp, saqtandyrý kompanııasy zańdy tulǵanyń portretin kóredi jáne onymen saqtandyrý polısine qol qoıý týraly sheshim qabyldaıdy.
Azamat Kerimbaev kelesi jyly naryqta kútiletin basqa da ózgeristerge toqtalyp ótti. Birinshisi – avtokólikti saqtandyrýǵa qatysýshylardyń jabyq tizimin engizý. Bul óz kóligin belsendi paıdalanatyn jáne saqtandyrý kompanııalary úshin eń tıimsiz júrgizýshiler retteýshiniń nazarynda bolýy úshin qajet. Kóbinese bul sanatqa taksı kompanııalarynyń taksı júrgizýshileri kiredi.
Retteýshi keńeıtilgen áreketter polısin engizýdi josparlap otyr. Ol degenimiz – bir kólikti birneshe adamǵa júrgizýge múmkindik beredi. Bul polıstiń baǵasynyń ósýine áser etedi jáne saqtandyrý kompanııalary úshin ónimniń tıimsizdigin basqarýǵa kómektesedi.
Sondaı-aq saqtandyrý kompanııalary árbir polıs úshin jarnany zańmen belgilengen mólsherlemeniń 50%-na deıin arttyrý nemese tómendetý múmkindigine ıe bolmaq. Shamamen bul klıentterdiń 70-80%-y úshin saqtandyrý baǵasyna jeńildikter beredi. Bul sheshim kelesi jyly avtosaqtandyrý naryǵyna áser etedi, óıtkeni polısterdiń baǵasy ózgeredi jáne saqtandyrý kompanııasyn tańdaýda sheshýshi faktor bolmaıdy.
«2025 jyly basty faktorlardyń biri jol-kólik apatynan keıin tólemdi alý jyldamdyǵy bolady. Mysaly, tólemder 5 kún ishinde qabyldanatyn DTP.kz servısi. Bazalardy paıdalaný qyzmettiń qoljetimdiligin arttyrady. Olardyń kómegimen baǵasy men qyzmet kórsetý deńgeıine qaraı laıyqty saqtandyrý kompanııasyn tańdaýǵa bolady», deıdi sarapshy.
Naryq jeke tulǵalar úshin bólip tóleý josparyn engizýdi de kútedi. Klıent saqtandyrý polısin satyp alyp, onyń jaramdylyǵyn aı saıyn jazylý formatynda jańarta alady.
Sonymen qatar 2025 jyly avtokólikterdi ýaqytsha kirgizý úshin biryńǵaı saqtandyrý pýlyn engizý josparlanyp otyrǵan jaıy bar. Qazir ónimniń shyǵyn koeffısıenti tómen, al saqtandyrý kompanııalarynyń deldaldarǵa tóleıtin agenttik syıaqy mólsheri shamamen 70%, bul joǵary kórsetkishti kórsetedi. Saqtandyrý salasynyń sarapshysy: «Retteýshi naryqtyń ashyq bolýyn qalaıdy. Bul operasııalardy joıý jáne tarıfti ádil etý úshin ári kompanııalar táýekelderdi jaı ǵana qabyldaıtyn biryńǵaı saqtandyrý pýlyn engizý josparlanýda. Aktıvızasııa jáne agentter degen uǵymdar bolmaıdy», deıdi.
Sol sııaqty naryqta belgili bir kólemde aqsha úshin «kómek» kórsetip júrgen deldaldarmen kúres aıasynda qujattar men tólemderdi jınaý fýnksııalaryn tek resmı lısenzııasy bar saqtandyrý brokerlerine berý kózdelinip otyr.
О́ıtkeni, elimizde medısınalyq tekserý prosedýrasyn sıfrlandyrýǵa qatysty ózekti másele bar. Eger adam medısınalyq tekserýdi ótkeni týraly anyqtama qaǵazyn bermese, saqtandyrý kompanııasy osy tusta tólem jasaýdan bas tartýy múmkin. Freedom Insurance QR Kólik mınıstrligimen birlesip, adamdardy tasymaldaıtyn barlyq kólik kompanııalaryn óz júrgizýshilerin kún saıyn sapar (reıs) aldyndaǵy tekserýden ótýin mindetteıtin zań jobasyn ázirledi. Bul jolaýshylardy tasymaldaý prosesiniń qaýipsizdigin qamtamasyz etýge jáne saqtandyrý tólemin jasaýǵa negiz bolady.
Taǵy bir toqtala ketetin másele, MED365 – sapar (reıs) aldynda júrgizýshilerdi medısınalyq tekserýden ótkizetin kompanııasy (Freedom Finance holdınginiń bóligi) prosesti sıfrlandyrý boıynsha pılottyq jobaǵa qatysýyp jatyr. «Iаndeks.Taksı» kompanııasymen birge 2 mamyrda Almaty, Astana, Shymkent qalalarynda pılottyq júıe iske qosylady. Janar-jaǵarmaı quıý stansııalary jelisiniń pýnktterinde tekserýge arnalǵan jabdyqtary bar medısına qyzmetkerleri bolady. Belgilengen oryndardaǵy qural-jabdyqtar memleket tarapynan sertıfıkattalady. «Iаndeks.Taksı» júrgizýshileri úshin prosedýradan ótýi mindetti jáne onyń nátıjesi júrgizýshini reıske shyǵý nemese shyqpaýyna áser etedi. Eger kórsetkishter normadan aýytqýlardy kórsetse nemese adam tekserýden múldem ótpese, onda «Iаndeks.Taksı» ol júrgizýshiniń akkaýntyn jumysqa qospaıdy.
Aldaǵy ýaqytta kompanııanyń klıenti jol-kólik apatyna ushyraıtyn bolsa, ol osy pýnktterdiń birinde medısınalyq saraptamadan ótip, onyń nátıjesi saqtandyrý kompanııasyna sıfrlyq túrde birden túsedi. Bul oqıǵany birden tirkeýge jáne saqtandyrý tólemin alýdy jyldamdatady.
ALMATY
