Bıylǵy baıqaý Qazaqstan Ulttyq ǵylym akademııasynyń negizin qalaǵan taý tulǵaly akademık Qanysh Sátbaevtyń 125 jyldyq mereıtoıyna arnaldy.
Halyqaralyq baıqaýdy ótkizý ıdeıasynyń avtory jáne jetekshisi – belgili telejýrnalıst ári ǵalym, professor Ulbosyn Meıirbekqyzy Esenbekova.
Baıqaý qazaq ǵylymyna ólsheýsiz úles qosqan akademık Qanysh Sátbaevtyń qaıratkerligin kórsetý, ǵylymı eńbekterin nasıhattaýdy maqsat etken edi.
Baıqaýdyń sharty boıynsha qatysýshylar álemdik saıasattaǵy ózgeristerge, sondaı-aq Qanysh Imantaıuly Sátbaevtyń qazaq ǵylymyn damytýǵa qosqan úlesine qatysty aqparattyq-tanymdyq beıne materıaldar usyndy.
Qatarynan segizinshi ret ótkizilip otyrǵan halyqaralyq baıqaýǵa otandyq 8 ýnıversıtetinen jáne Amerıka Qurama Shtattary, Ulybrıtanııa, Germanııa men Birikken Arab Ámirligi sııaqty 11 eldiń stýdentteri men magıstranttarynan, doktoranttarynan 100-ge jýyq jumystar kelip túsken.
Baıqaýdy Uıymdastyrý komıssııasy Gran-prı júldesimen L.N. Gýmılev atyndaǵy Eýrazııa ulttyq ýnıversıtetiniń stýdenti Álı Álisher Sáýletuly marapattaldy. Sondaı-aq Columbia University stýdentiniń «Columbia. Qazaq áni» dep atalatyn jumysy baıqaýdyń taǵy bir úzdigi dep tanyldy.
Júldeli oryndardan basqa Úzdik ıdeıa, Úzdik rejıssýra boıynsha, Kúltegin, Abaı, Saǵat Áshimbaev, Sherhzan Murtaza atyndaǵy nomınasııalar boıynsha jeńimpazdar arnaıy dıplomdar men baǵaly syılyqtarmen marapattaldy.
Halyqaralyq baıqaýdyń jyldan jylǵa mártebesi men aýqymy ósip kele jatqanyn marapattaý rásiminde Eýrazııa Ulttyq ýnıversıtetiniń basshylary, Jýrnalıstıka jáne saıasattaný fakýltetiniń dekany Saq Qaırat О́mirbaıuly tilge tıek etti.
Baıqaý jeńimpazdaryn marapattaý rásimi onlaın jáne offlaın formattarda ótti. Jeńimpazdardy marapattaý rásimine memleket jáne qoǵam qaıratkerleri, otandyq ǵalymdar, belgili telejýrnalıster men medıa menedjerler, televızııa salasynyń ardagerleri qatysty.
