foto: sechenovclinic.ru
О́ńirdiń densaýlyq saqtaý basqarmasy habarlaǵandaı, 16 sáýirde oblystyq balalar klınıkalyq aýrýhanasyna oq jaraqatyn alǵan naýqas jetkizilgen. Aıta ketsek, bala 2011 jyly týǵan.
«Tekserý kezinde oń jaǵyndaǵy keýde qýysynda oq anyqtaldy. Atys bolǵan kezde bala úı janyndaǵy kól jaǵasynda oınap júrgen», delingen vedomstvo habarlamasynda.
Naýqas qabyldaý bóliminen shuǵyl túrde operasııalyq bólimge aýystyrylǵan.
«Ota jasaldy, torakoskopııa, revızııa, keýde qýysyn sanıtarlyq tazartý, bóten deneni (oq) alyp tastaý, drenaj sııaqty amaldar jasadyq. Oq oń jaqtaǵy keýde qýysy arqyly ótip, ókpeniń tinderin zaqymdap, ıyq pyshaǵynyń tómengi polıýsiniń proeksııasynda qabyrǵa aralyqqa jabysyp qalǵan. Naqty jáne jedel áreket etken dárigerlerdiń arqasynda kishkentaı balanyń ómirin saqtap qalýǵa múmkindik týdy», dep habarlady oblystyq densaýlyq saqtaý basqarmasy.
