Keshe Qazaqstannyń Ortalyq kommýnıkasııalar qyzmetinde Qazaqstan halqy Assambleıasy jylynyń ashylýyna arnalǵan brıfıng ótti. Brıfıngke QHA Tóraǵasynyń orynbasary – Hatshylyq meńgerýshisi Eraly Toǵjanov, QHA Tóraǵasynyń orynbasary Anatolıı Bashmakov jáne Qazaq handyǵynyń 550 jyldyǵyn daıyndaý men ótkizý jónindegi respýblıkalyq komıssııanyń múshesi, Qazaqstan koreıleri assosıasııasy tóraǵasynyń orynbasary, QHA-nyń Ǵylymı-saraptamalyq keńesiniń múshesi Georgıı Kan qatysty.
Kezdesýde sóz alǵan Eraly Luqpanuly Assambleıa jumysynyń negizgi jetistikterin jáne Assambleıa aıasynda ótetin is-sharalar jaıyn baıandap berdi. Onyń aıtýynsha, aldaǵy ýaqytta júzege asatyn is-sharalar men jumystardyń negizgi maqsaty – Qazaqstanda halyq birligi men etnosaralyq kelisimdi nyǵaıtý.
«Elimizdiń táýelsizdigin nyǵaıtý úshin, eń aldymen, elimizdiń turaqtylyǵyn nyǵaıtý, turaqtylyq arqyly qoǵamdyq kelisimdi qamtamasyz etý kún tártibinde burynnan turǵan másele. Ol búgin de mańyzdy másele, bolashaqta da kún tártibinen túspeıtini anyq. Bul tek Qazaqstan úshin ǵana ózekti másele emes. Sebebi, kóptegen polıetnostyq memleketterdegideı, bir elde ómir súre bilý – qashan da mańyzdy. Elbasy 2015 jyldy Qazaqstan halqy Assambleıasy jyly dep jarııalap, arnaıy Jarlyq shyǵarǵan bolatyn. Assambleıa jyly – ol beıbitshilik jyly, Qazaqstan halqy birligi men qoǵamdyq kelisim jyly. Bul jyl – toı toılaıtyn jyl emes, bul oı oılaıtyn jyl. Bul ótkenimizdi tereńirek zerttep, búginimizdi qaıtadan zerdelep qarap, bolashaqty aıqyndaıtyn jyl. Oǵan sebep kóp. Ol, eń birinshiden, memleketimizdiń turaqty damýy úshin kerek. Biz aınalamyzda, dúnıejúzinde bolyp jatqan oqıǵalarǵa kóz júgirtýimiz kerek. Tek ishki saıasaty myqty eldiń ǵana syrtqy saıasaty myqty bolady. Demek, Assambleıa jyly aıasynda josparlanǵan is-sharalardyń negizgi máni – Prezıdent Nursultan Nazarbaevtyń beıbitshilik pen qoǵamdyq kelisim qaǵıdalaryn aýqymdy túrde kórsetý», dedi E.Toǵjanov.
Brıfıngte sóz alǵan Qazaqstan halqy Assambleıasy Tóraǵasynyń orynbasary Anatolıı Bashmakov aımaqtarda, elimizdiń bedeldi joǵary oqý oryndarynda ashylǵan Assambleıa kafedralarynda, Assambleıanyń aımaqtardaǵy ǵylymı-saraptamalyq toptarynda aýqymdy baǵdarlamalardy iske asyrý kózdelgenin, sondaı-aq, etnomádenı birlestikter 150-den asa is-sharany uıymdastyratynyn jetkizdi.
Tanymal tarıhshy Georgıı Kannyń aıtýynsha, Assambleıa jylynda aıryqsha mánge ıe tarıhı mereıtoılar ótetin bolady. «Al solardyń ishinde Qazaq handyǵynyń 550 jyldyq mereıtoıynyń orny aıryqsha», dedi ol. Sonymen qatar, Georgıı Kan QHA-nyń atalǵan mereıtoıǵa baılanysty barlyq is-sharasyna belsendi túrde qatysatynyn, bıylǵy jyly Qazaq handyǵynyń 550 jyldyǵyna baılanysty respýblıkalyq is-sharalar josparynda Assambleıanyń qatysýymen 30 is-shara turǵanyn jetkizdi.
Sonymen, Assambleıa jyly aıasyndaǵy eń alǵashqy is-shara Astana jáne Almaty qalalarynda jáne aýdan ortalyqtarynda aqpan aıynyń 6-synan bastaý alady. Budan keıin «Myń bala» memlekettik tildi bilý baıqaýyna, etnomádenı birlestikter arasyndaǵy eń úzdik áleýmettik jobaǵa, etnosaralyq toleranttylyq pen qoǵamdyq kelisimniń qazaqstandyq modeline arnalǵan eń úzdik ǵylymı jobasyna, eń úzdik patrıottyq jastarǵa arnalǵan «Meniń Qazaqstanym» jobasyna, «Men óz mamandyǵymdy maqtan tutamyn» eń úzdik jobasyna, etnojýrnalıstıka salasyndaǵy «Shańyraq» shyǵarmashylyq saıysyna, Ulttyq kompanııalar arasyndaǵy úzdik qaıyrymdylyq jobasyna, eń úzdik ınnovasııalyq jobalarǵa baılanysty is-sharalar uıymdastyrylatyn bolady.
Láıla EDILQYZY,
«Egemen Qazaqstan».
Kezdesýde sóz alǵan Eraly Luqpanuly Assambleıa jumysynyń negizgi jetistikterin jáne Assambleıa aıasynda ótetin is-sharalar jaıyn baıandap berdi. Onyń aıtýynsha, aldaǵy ýaqytta júzege asatyn is-sharalar men jumystardyń negizgi maqsaty – Qazaqstanda halyq birligi men etnosaralyq kelisimdi nyǵaıtý.
«Elimizdiń táýelsizdigin nyǵaıtý úshin, eń aldymen, elimizdiń turaqtylyǵyn nyǵaıtý, turaqtylyq arqyly qoǵamdyq kelisimdi qamtamasyz etý kún tártibinde burynnan turǵan másele. Ol búgin de mańyzdy másele, bolashaqta da kún tártibinen túspeıtini anyq. Bul tek Qazaqstan úshin ǵana ózekti másele emes. Sebebi, kóptegen polıetnostyq memleketterdegideı, bir elde ómir súre bilý – qashan da mańyzdy. Elbasy 2015 jyldy Qazaqstan halqy Assambleıasy jyly dep jarııalap, arnaıy Jarlyq shyǵarǵan bolatyn. Assambleıa jyly – ol beıbitshilik jyly, Qazaqstan halqy birligi men qoǵamdyq kelisim jyly. Bul jyl – toı toılaıtyn jyl emes, bul oı oılaıtyn jyl. Bul ótkenimizdi tereńirek zerttep, búginimizdi qaıtadan zerdelep qarap, bolashaqty aıqyndaıtyn jyl. Oǵan sebep kóp. Ol, eń birinshiden, memleketimizdiń turaqty damýy úshin kerek. Biz aınalamyzda, dúnıejúzinde bolyp jatqan oqıǵalarǵa kóz júgirtýimiz kerek. Tek ishki saıasaty myqty eldiń ǵana syrtqy saıasaty myqty bolady. Demek, Assambleıa jyly aıasynda josparlanǵan is-sharalardyń negizgi máni – Prezıdent Nursultan Nazarbaevtyń beıbitshilik pen qoǵamdyq kelisim qaǵıdalaryn aýqymdy túrde kórsetý», dedi E.Toǵjanov.
Brıfıngte sóz alǵan Qazaqstan halqy Assambleıasy Tóraǵasynyń orynbasary Anatolıı Bashmakov aımaqtarda, elimizdiń bedeldi joǵary oqý oryndarynda ashylǵan Assambleıa kafedralarynda, Assambleıanyń aımaqtardaǵy ǵylymı-saraptamalyq toptarynda aýqymdy baǵdarlamalardy iske asyrý kózdelgenin, sondaı-aq, etnomádenı birlestikter 150-den asa is-sharany uıymdastyratynyn jetkizdi.
Tanymal tarıhshy Georgıı Kannyń aıtýynsha, Assambleıa jylynda aıryqsha mánge ıe tarıhı mereıtoılar ótetin bolady. «Al solardyń ishinde Qazaq handyǵynyń 550 jyldyq mereıtoıynyń orny aıryqsha», dedi ol. Sonymen qatar, Georgıı Kan QHA-nyń atalǵan mereıtoıǵa baılanysty barlyq is-sharasyna belsendi túrde qatysatynyn, bıylǵy jyly Qazaq handyǵynyń 550 jyldyǵyna baılanysty respýblıkalyq is-sharalar josparynda Assambleıanyń qatysýymen 30 is-shara turǵanyn jetkizdi.
Sonymen, Assambleıa jyly aıasyndaǵy eń alǵashqy is-shara Astana jáne Almaty qalalarynda jáne aýdan ortalyqtarynda aqpan aıynyń 6-synan bastaý alady. Budan keıin «Myń bala» memlekettik tildi bilý baıqaýyna, etnomádenı birlestikter arasyndaǵy eń úzdik áleýmettik jobaǵa, etnosaralyq toleranttylyq pen qoǵamdyq kelisimniń qazaqstandyq modeline arnalǵan eń úzdik ǵylymı jobasyna, eń úzdik patrıottyq jastarǵa arnalǵan «Meniń Qazaqstanym» jobasyna, «Men óz mamandyǵymdy maqtan tutamyn» eń úzdik jobasyna, etnojýrnalıstıka salasyndaǵy «Shańyraq» shyǵarmashylyq saıysyna, Ulttyq kompanııalar arasyndaǵy úzdik qaıyrymdylyq jobasyna, eń úzdik ınnovasııalyq jobalarǵa baılanysty is-sharalar uıymdastyrylatyn bolady.
Láıla EDILQYZY,
«Egemen Qazaqstan».
