Aqparattar aǵyny

*Elimizde «Qoljetimdi bas­pana-2020» baǵdarlamasyn iske asyrý jalǵasa beredi. «Turǵyn úı qurylys jınaq banki» AQ-tyń baspasóz qyzmeti habarlaǵandaı, 2015 jyly bank jelisi arqyly «Barlyq halyq sanatyna arnalǵan baspana» baǵyty boıynsha 326 myń sharshy metr úıdi paıdalanýǵa berý josparda tur. *ÚIID baǵdarlamasyn oryndaý úshin kadrlardy daıarlaýǵa 10 mlrd. teń­ge qaraldy. Bilim jáne ǵy­lym vıse-mınıstri Tahır Balyq­baevtyń aıtýynsha, bul mamandardy daıarlaıtyn 10 JOO-nyń baǵdarlamalary aldaǵy ýa­qytta Úkimettiń qaraýyna usynylady. *Sońǵy jyldary ǵy­lym­ǵa bólinetin qarjy kóle­mi 2,5 esege ósken. Resmı derek­terge kóz júgirtsek, ótken jyly salaǵa 49 mlrd. teńge ba­ǵyttalypty. Sonymen birge, ǵylymmen shuǵyldanatyn azamattardyń da qatary artqan. *Astanaǵa 2014 jyly 642,1 myń týrıst atbasyn tiregen. Qalalyq týrızm, dene­­shy­nyqtyrý jáne sport bas­qar­masynyń dereginshe, elor­dada 297 týrıstik fırma ju­mys isteıdi. Negizinen, olar taıaý jáne qıyr shet elderde elor­dalyqtardyń demalysyn uıymdastyrady. *Aqtóbede «Ýrales» shaǵyn traktor shyǵarý isi qolǵa alyndy. Bul jobany «Traktor» MTS» JShS jolǵa qoıdy. Bul seriktestik «Traktor» AAQ (Chelıabi, RF) kompanııasymen birlesip jumys isteýge kelisti. Kásiporyn jylyna 500 «Ýrales» pen ózge de tehnıka shyǵarýdy kózdep otyr. *Byltyr «Beıneý – Aqtaý» avtojolynyń 200 shaqyrymy paıdalanýǵa berildi. «Ortalyq – Batys» jobasy aıasynda salynyp jatqan bul joldyń jalpy uzyndyǵy 470 shaqyrymdy quraıdy. Onyń qurylysyna paıdalanylyp jatqan materıaldar túgeldeı otandyq ónim kórinedi. Aıta keteıik, bıyl óńirde «Jetibaı – Jańaózen» baǵytynda 73 shaqyrymdyq avtomobıl jolynyń qurylysy bastalady. *Aqmola oblysy Step­nogor qalasyna 3,4 mlrd. teńgeden astam qarjy bólindi. Qala ákimdiginiń baspasóz qyz­meti atap kórsetkendeı, mono­qalalardy damytý baǵ­dar­lamasy aıasynda qaralǵan bul qarjynyń 266 mln. teńgege jýyǵy jas otbasylar úshin turǵyn úı salýǵa jumsalady. *Soltústik Qazaqstanda ÚIID MB-nyń ekinshi bes­jyldyǵy sheńberinde al­ǵashqy zaýyt iske qosyldy. Halyq tutynatyn taýarlar men turǵyn úı-kommýnaldyq sharýashylyǵyna qajetti qubyr jáne metall ónimderin shy­ǵaratyn bul jańa kásiporynnyń ashylý rásimine oblys ákimi Erik Sultanov qatysty. Zaýyt óz ónimderin elimizdiń barlyq óńirlerine jáne Reseıdiń she­ka­ralyq oblystaryna jóneltedi. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.