foto: qaz365.kz
Osy rette ardagerlerge merekege oraı jyl saıyn qosymsha tólemaqy beriletinin, al bıyl onyń kólemi úsh mıllıon teńgege deıin óskenin jetkizdi. Sonymen qatar óziniń bastamasymen bıyldan bastap «Aıbyn» ordeniniń úsh dárejesi dańqty batyrlarymyz – Saǵadat Nurmaǵambetovtiń, Baýyrjan Momyshulynyń jáne Raqymjan Qoshqarbaevtyń atymen atalatynyn eske salyp, ult perzentteriniń batyldyǵy men batyrlyǵy búgingi jáne bolashaq urpaq úshin úlgi-ónege bolatynyna nazar aýdardy.
Memleket basshysynyń aıtýynsha, geoosaıası turaqsyzdyq beleń alǵan qazirgi jaǵdaıda myqty ári daıyndyǵy saqadaı saı áskerdiń mańyzy arta tústi.
«Bizdiń áskerı qyzmetshilerimiz BUU aıasyndaǵy túrli bitimgerlik operasııalarǵa qatysyp, ózderiniń kásibıligi men joǵary deńgeıdegi jaýyngerlik mashyǵyn kórsetip keledi. Jýyrda Qazaqstan Golan jotalaryndaǵy mıssııasyn derbes oryndaý jónindegi Birikken Ulttar Uıymynyń mandatyna alǵash ret ıe boldy. Sońǵy jyldary álem elderiniń áskerı qýaty týraly reıtıngtegi ornymyz edáýir jaqsardy. Bul áskerimizdiń daıyndyǵy joǵary ekenin ári úılesimdi áreket etetinin bildiredi. Qazaqstan jer-jahanǵa ózin beıbit el retinde tanytty. Biz barlyq memleketpen dostyq qatynas ornattyq. Kez kelgen shıelenisti syndarly dıalog arqyly sheshý kerek dep esepteımiz. Biraq arqany keńge salyp, qamsyz otyrýǵa bolmaıdy. Qýatty áskerimiz túrli qaterge saqadaı saı turýǵa tıis. Myqty ásker – eldiktiń tiregi», dedi Prezıdent.
