Kenesarynyń qylyshy

Derekterge súıensek, Han Keneniń bir qy­lyshy Ońtústik Qazaq­stan oblystyq ólketaný murajaıynda saqtaýly tur. Mýzeı qoryna Ázimhan Ke­nesarın óz qolymen aparyp tap­syrǵan. Alaıda atalǵan qylysh buǵan deıin eshqandaı kórme zalyna qoıylmapty, tek tarıhı jádigerler qo­ryn­da qupııa saqtalǵan.

Qylyshtyń ózi shaǵyn, jeńil, ustaýǵa yńǵaıly. Hannyń joryqqa ustaıtyn qylyshy bolsa kerek. Tirkeý kitapshasynda jádiger týraly barlyq derek jazylǵan. Aıta keteıik, bul kitapsha zańdy qujat bolyp esep­teledi.

Onda «152.8-VI-1931. Po­da­rok vnýka K.Kasymova – Azym­hana Kenesarına. Sablıa, prınadlejashaıa sýltaný Kenesary Kasymový. Krıvaıa, s nojnymı ız kojı, rýkaıatka ız kostı. Materıal jeleza. dl. lezvııa 70 sm. dl. rýkaıatka 15 sm. Staraıa, rjavaıa» dep anyq jazylǵan.

Osy qylyshty Ońtústik Qa­zaqstan oblystyq ólketaný mu­rajaıyna ótkizgen Ázimhan Kenesarınniń kim ekenin bireý bilse, bireý bilmes. Ázimhan – Ke­­nesarynyń báıbishesi Kú­nim­jannan týǵan balasy Ah­mettiń uly. Bylaısha aıt­qanda, Kenesarynyń nemeresi.

Ulty úshin kúresken erdiń ómiri, ár sózi men ár zaty ós­ke­leń urpaqqa qundy tarıhı jádiger bolýǵa tıis. Jańa aıt­qa­nymyzdaı, Kenesarynyń qy­lyshy eshqandaı kórme zalyna qoıylmaı, qupııa qorda saqtalyp keledi. Eger ta­rıhı qylysh halyq aldyna usynylyp jatsa, jádi­ger­di kórgen jas urpaq Han Kenedeı batyrdyń ǵu­my­­rynan tálim alary sózsiz.