Tynyshtyq pen tutastyqtyń qalqany

– Búginde aıbyndy armııamyz – eldegi tutastyq pen tynyshtyqtyń myqty qalqany. Qýatty áskerimiz beıbitshilik pen berekeli ómirdi qas qaqpaı kúzetip tur. Olar qaı kezde de qasterli Otanymyzdy qorǵaýǵa daıyn. Erlik maıdanda ǵana jasalmaıdy. Erlikke beıbit zamanda da oryn bar. Bıyl biz keıingi 80 jyldaǵy eń joıqyn tasqynǵa tap boldyq. Elge qater tóngen sátte sarbazdarymyz aldyńǵy shepten tabyldy. Ulttyq ulan, Ishki ister mınıstrligi, Ulttyq qaýipsizdik komıteti, Tótenshe jaǵdaılar mınıstrligi jáne Memlekettik kúzet qyzmetiniń jeke quramy antqa adal bolýdyń úlgisin kórsetti. Alapat tasqynǵa tótep berý úshin 9 myńnan astam áskerı qyzmetshi jumyla eńbek etti. Myńnan astam tehnıka jetkizildi. Syn saǵatta halqymyzdyń asyl qundylyqtary anyq baıqalady. Osy oraıda Soltústik Qazaqstan oblysynda apatqa qarsy kúresken 300 sarbazdyń eńbegin erekshe atap ótkim keledi. Olar kúni-túni bógen salyp, qalany qarǵyn sýdan qutqarýǵa atsalysty. Jergilikti turǵyndar bul sarbazdarǵa aıryqsha rıza boldy, olardy zor qurmetpen shyǵaryp saldy. Mine, halyq pen armııanyń myzǵymas tutastyǵy degenimiz – osy. Mundaı mysaldar az emes, – dedi Prezıdent.

Qasym-Jomart Toqaev Jeńis kúnin jaqyndatýǵa atsalysqan maıdangerler men tyl eńbekkerlerine árqashan qurmet kórsetiletinin aıtty. Osy rette ardagerlerge merekege oraı jyl sa­ıyn qosymsha tólemaqy beriletinin, al bıyl onyń kólemi úsh mıllıon teńgege deıin óskenin jetkizdi. Sonymen qatar óziniń bastamasymen bıyldan bastap «Aıbyn» ordeniniń úsh dárejesi dańqty batyrlarymyz – Saǵadat Nurmaǵambetov, Baýyr­jan Momyshuly jáne Raqymjan Qoshqar­baevtyń atymen atalatynyn eske salyp, ult perzentteriniń batyldyǵy men batyrlyǵy búgingi jáne bolashaq urpaq úshin úlgi-ónege bolatynyna nazar aýdardy.

Memleket basshysynyń aıtýynsha, geosaıası turaqsyzdyq beleń alǵan qazirgi jaǵdaıda myqty ári daıyndyǵy saqadaı saı áskerdiń mańyzy aıtarlyqtaı arta tústi.

– Bizdiń áskerı qyzmetshilerimiz BUU aıasyndaǵy túrli bitimgerlik operasııalarǵa qatysyp, ózderiniń kásibıligi men joǵary deńgeıdegi jaýyngerlik mashyǵyn kórsetip keledi. Jýyrda Qazaqstan Golan jotalaryndaǵy mıssııasyn derbes oryndaý jónindegi Birikken Ulttar Uıymynyń mandatyna alǵash ret ıe boldy. Keıingi jyldary álem elderiniń áskerı qýaty týraly reıtıngtegi ornymyz edáýir jaqsardy. Bul áskerimizdiń daıyndyǵy joǵary ekenin ári úılesimdi áreket etetinin bildiredi. Qazaqstan jer-jahanǵa ózin beıbit el retinde tanytty. Biz barlyq memleketpen dostyq qatynas ornattyq. Kez kelgen shıelenisti syndarly dıalog arqyly sheshý kerek dep esepteımiz. Biraq arqany keńge salyp, qamsyz otyrýǵa bolmaıdy. Qýatty áskerimiz túrli qaterge saqadaı saı turýǵa tıis. Myqty ásker – eldiktiń tiregi, – dedi Prezıdent.

Qasym-Jomart Toqaev Qazaqstannyń aıbyndy armııasy kásibı turǵydan bilikti ári zamanǵa saı ozyq bolýy úshin Qarýly kúshterimizdi odan ári nyǵaıtý jumystary jalǵasatynyn jetkizdi.

– Kúni keshe ǵana elimizde jańa a­vıa­sııa bazasy ashyldy. Bul – ulttyq qorǵanys júıesiniń áleýeti arta tústi degen sóz. Biz armııanyń bedelin kóterýge aıryqsha mán beremiz. Otan qorǵaý – barshamyzǵa ortaq paryz. Muny, ásirese, óskeleń urpaq tereń túsingeni abzal. Memleket jas sarbazdarǵa jan-jaqty qoldaý kórsetip jatyr. Olarǵa arnaıy bilim granttary bóline bastady. Nesıeni óteý merzimi keıinge shegeril­di. Endi armııada júrip, naqty maman­dyq alýǵa bolady. «Er jigitke jarasar, qolyndaǵy naızasy», dep áıgili Buqar jyraý batyrlyq pen erlikti erekshe dáriptegen. Shyn máninde, ásker – memlekettiń asa mańyzdy sımvoly. Men sarbazdarymyzdyń jaýyngerlik rýhy joǵary bolǵanyn maqtan etemin, – dedi Memleket basshysy.

Saltanatty jıynda Qasym-Jomart Toqaev Otan qorǵaýshylardyń elimizdegi yntymaq pen tynyshtyqty saqtaýǵa zor úles qosyp kele jatqanyn atap ótip, ofıserlerge áskerı jáne arnaýly ataqtar, synyptyq shender tapsyrdy.

Budan bólek, Prezıdent áskerı jáne qyzmettik boryshyn atqarýda kórsetken erligi men janqııarlyǵy, eldiń ulttyq qaýipsizdigi men qorǵanys qabiletin qamtamasyz etýge, zańdylyq pen quqyqtyq tártipti nyǵaıtýǵa qosqan úlesi úshin bir top azamatty memlekettik nagradalarmen marapattady.

Otan qorǵaýshy kúnine oraı Prezıdenttiń qolynan memlekettik nagradalar alǵan azamattar tizimi:

I dárejeli «Dańq» ordenimen

Qamaletdınov Sultan Búrkitbaıuly – Qorǵanys mınıstriniń birinshi orynbasary – Qarýly kúshter bas shtabynyń bastyǵy;

Dáýeshov Halıdýlla Zınollauly – Aqtóbe oblysynyń prokýrory.

II dárejeli «Dańq» ordenimen

Raısov Ulan Ermuhanuly – Qarjylyq monıtorıng agenttigi tóraǵasynyń birinshi orynbasary;

Dalmatov Qanataı Jorabekuly – Qorǵanys mınıstrligi áskerı bóliminiń komandıri;

Ábdirov Nurǵalym Májıtuly – Jambyl oblysynyń prokýrory.

Baýyrjan Momyshuly atyndaǵy II dárejeli «Aıbyn» ordenimen

Golovın Oleg Pavlovıch – Petropavl qalasynyń polısııa basqarmasynyń ınspektory;

Tańatarov Baýyrjan Omaruly – Memlekettik kúzet qyzmetiniń Aıryqsha maqsattaǵy kúshteri Shtab bastyǵynyń orynbasary;

Doskenov Amangeldi Serikuly – Aqmola oblysynyń Ereımentaý aýdany tótenshe jaǵdaılar bóliminiń bastyǵy;

Saq Ulyqbek Muratuly – Qorǵanys mınıstrliginiń áskerı bólimi koman­dıriniń birinshi orynbasary;

Ǵalymov Jandos Janatuly – Ulttyq qaýipsizdik komıtetiniń aǵa jedel ýákili;

Nasıhan Roman Serikuly – Atyraý oblysynyń Qurmanǵazy aýdany polısııa bóliminiń ınspektory;

Orazov Dinmuhamed Ǵabıtuly – Ulttyq qaýipsizdik komıteti Túrkistan oblysy boıynsha departamentiniń aǵa jedel ýákili;

Omarov Dıas Kákimuly – Jetisý oblysynyń Taldyqorǵan qalasy polısııa basqarmasynyń ınspektory

Raqymjan Qoshqarbaev atyndaǵy III dárejeli «Aıbyn» ordenimen

Tájiǵulov Nurbolat Tastemiruly – Aqtóbe oblysynyń Tótenshe jaǵdaılar departamenti órt sóndirý bóliminiń bólimshe komandıri.

«Qurmet» ordenimen

Kýbekova Aına Jadyraqyzy – Sybaı­las jemqorlyqqa qarsy qyzmetiniń departament basshysy.

«Erligi úshin» medalimen

Topalov Ámirjan Merekeuly – Qostanaı oblysynyń Qarabalyq aýdany polısııa bóliminiń jedel ýákili;

Qusman Ádil Dýmanuly – Abaı oblysynyń polısııa departamenti Jyldam qımyldaıtyn arnaıy jasaǵy­nyń ınspektory.

«Jaýyngerlik erligi úshin» medalimen

О́teýov Erlan О́teýuly – Bas prokýratýra Qyzmet bastyǵynyń orynbasary;

Strelkov Fedor Nıkolaevıch – Áýe qorǵanysy kúshteriniń áskerı ınstıtýty bastyǵynyń orynbasary;

Ilııas Serik Amankeldiuly – Memle­kettik kúzet qyzmetiniń basqarma bas­tyǵynyń orynbasary;

Aqarbekov Meıirhan Saparhanuly – Qorǵanys mınıstrligi áskerı bóliminiń rota komandıri;

О́tenov Sáken Seksembaıuly – Ulttyq qaýipsizdik komıteti Aqtóbe oblysy bo­ıynsha departamentiniń aǵa jedel ýákili;

Irýbaev Renat Maratuly – Memle­kettik kúzet qyzmetiniń aǵa ofıseri;

Muratbekov Dýlat Tilemisuly – Qarjylyq monıtorıng agenttigi Qostanaı oblysy boıynsha Ekonomıkalyq tergep-tekserý departamentiniń jedel ýákili;

Serikov Ádilet Almasbekuly – Ulttyq qaýipsizdik komıteti Shekara qyzmetiniń Mańǵystaý oblysy boıynsha departamentiniń aǵa jedel ýákili;

Ábdikárimov Tilek Dýmanuly – Sybaılas jemqorlyqqa qarsy qyzmettiń asa mańyzdy ister jónindegi tergeýshisi.