ALMATY. 10 qańtar. Búgin Almatydaǵy T.Q.Júrgenov atyndaǵy Qazaq ulttyq óner akademııasynda oqý teatrynyń sahnasynda «Safýan Rysbaıulynyń antreprız teatry» dep atalatyn jańa óner ujymynyń tusaýkeseri bolyp ótti. Bul týraly ras.kz habarlady.
Jańa antrprız teatry sahnaǵa fransýzdyń klassık jazýshysy Antýan de Sent-Ekzıýperıdiń «Kishkentaı hanzada» ertegi-támsili boıynsha qoıylǵan spektakldi shyǵardy. Ol monospektakl túrinde, ıaǵnı sahnada bir ǵana akterdiń oıyn kórspetýi arqyly qoıyldy. Ony Ǵ.Músirepov atyndaǵy Qazaq akademııalyq jasóspirimder teatrynyń akteri Safýan Rysbaıuly oryndady.
Spektakldi rejısser Bolat Ábdirahmanov qoıdy. Onyń ınssenırovkasyn Bolat Ábdirahmanov pen Safýan Shaımerdenov jasady. Al ertegi mátinen qazaq tiline J.Qonaeva aýdarǵan.
Sahnada ushqysh, kishkentaı hanzada, raýshan gúli, patsha, ataqqumar, maskúnem, isker adam, geograf, shyraqshy, túlki, jylan syndy keıipkerler kórinedi. Al oqıǵanyń negizgi jelisi jylan, túlki jáne raýshan gúli ispettes úsh allegorııalyq geroılardyń arasynda ótedi.
Spektakldiń fabýlasy onyń personajy – ushqyshtyń budan birneshe jyl buryn Saharanyń shólinde, alystaǵy bir elsiz jerde kishkentaı hanzadamen kezdeısoq kezdesip qalǵanyn áńgimeleýinen bastalady. Sahnada osy sátterde basqa planetadan kelgen adamdardyń saıahattary jer betindegi oqıǵalarmen astasyp, taqyrypty asha túsýge qyzmet etedi. Adamdar arasynan dos izdegen kishkentaı hanzada eń sońǵy aıaldamada ǵana óz degenine jetedi.
«Spektakldiń basty kredosy adamdar arasyndaǵy qarym-qatynasty jaqsartýǵa baǵyttalǵan. Onyń túıindi sózi «Janyńda júr jaqsy adam» degenge saıady. Ol adamdar arasyndaǵy úılesimdilikti tý etip kóteredi. Al adamdardy jaqsy kórý, olarǵa jaqsylyq jasaý degen qatar otyryp alyp, bir-birińdi maqtaý men marapattaý emes, ony ózińmen bir baǵytta ala júrip, jaqsy jolǵa salýǵa negizdeledi. Mine, spektakldiń basty aıtpaǵy da osy, - dedi tusaýkeser qoıylymnan soń T.Q.Júrgenov atyndaǵy Qazaq ulttyq óner akademııasynyń aǵa oqytýshysy, teatrtanýshy Jańagúl Sultanova. – Bas-aıaǵy bir jarym saǵatqa sozylǵan ertegi-támsilde barlyq keıipkerlerdi bir ózi san qyrynan alyp shyqqan tanymal akter Safýan Rysbaıuly ózine júktelgen osy mindetti keremet abyroımen, ózine tán sheberlikpen óte jaqsy atqara bildi. Onyń qaısy bir keıipkeri de óziniń oqıǵaǵa tereń qatystylyǵymen, ózine kerekti belsendilikpen jandy túrde kórindi. Bul – bir. Ekinshiden, qazir biraz ýaqyttardan beri álem teatrlarynyń kópshiliginde ornyǵyp qalǵan monospektaklder dástúriniń qazaq sahna óneri úshin de jat bola almaıtynyn anyq baıqatyp berdi. Biz osy úshin akterge razylyǵymyzdy bildiremiz».
Bir aıta ketetin jaıt, oqý orny janynan ashylyp jatqan «Safýan Rysbaıulynyń anteprız teatrynyń» tabanynan tik turyp ketýine «Tamshy» ǵylym jáne mádenıet qory quryltaıshylyq jasady.
Rýslan Igilik.
Derek, sýret: ras.kz.
ALMATY. 10 qańtar. Búgin Almatydaǵy T.Q.Júrgenov atyndaǵy Qazaq ulttyq óner akademııasynda oqý teatrynyń sahnasynda «Safýan Rysbaıulynyń antreprız teatry» dep atalatyn jańa óner ujymynyń tusaýkeseri bolyp ótti. Bul týraly ras.kz habarlady.
Jańa antrprız teatry sahnaǵa fransýzdyń klassık jazýshysy Antýan de Sent-Ekzıýperıdiń «Kishkentaı hanzada» ertegi-támsili boıynsha qoıylǵan spektakldi shyǵardy. Ol monospektakl túrinde, ıaǵnı sahnada bir ǵana akterdiń oıyn kórspetýi arqyly qoıyldy. Ony Ǵ.Músirepov atyndaǵy Qazaq akademııalyq jasóspirimder teatrynyń akteri Safýan Rysbaıuly oryndady.
Spektakldi rejısser Bolat Ábdirahmanov qoıdy. Onyń ınssenırovkasyn Bolat Ábdirahmanov pen Safýan Shaımerdenov jasady. Al ertegi mátinen qazaq tiline J.Qonaeva aýdarǵan.
Sahnada ushqysh, kishkentaı hanzada, raýshan gúli, patsha, ataqqumar, maskúnem, isker adam, geograf, shyraqshy, túlki, jylan syndy keıipkerler kórinedi. Al oqıǵanyń negizgi jelisi jylan, túlki jáne raýshan gúli ispettes úsh allegorııalyq geroılardyń arasynda ótedi.
Spektakldiń fabýlasy onyń personajy – ushqyshtyń budan birneshe jyl buryn Saharanyń shólinde, alystaǵy bir elsiz jerde kishkentaı hanzadamen kezdeısoq kezdesip qalǵanyn áńgimeleýinen bastalady. Sahnada osy sátterde basqa planetadan kelgen adamdardyń saıahattary jer betindegi oqıǵalarmen astasyp, taqyrypty asha túsýge qyzmet etedi. Adamdar arasynan dos izdegen kishkentaı hanzada eń sońǵy aıaldamada ǵana óz degenine jetedi.
«Spektakldiń basty kredosy adamdar arasyndaǵy qarym-qatynasty jaqsartýǵa baǵyttalǵan. Onyń túıindi sózi «Janyńda júr jaqsy adam» degenge saıady. Ol adamdar arasyndaǵy úılesimdilikti tý etip kóteredi. Al adamdardy jaqsy kórý, olarǵa jaqsylyq jasaý degen qatar otyryp alyp, bir-birińdi maqtaý men marapattaý emes, ony ózińmen bir baǵytta ala júrip, jaqsy jolǵa salýǵa negizdeledi. Mine, spektakldiń basty aıtpaǵy da osy, - dedi tusaýkeser qoıylymnan soń T.Q.Júrgenov atyndaǵy Qazaq ulttyq óner akademııasynyń aǵa oqytýshysy, teatrtanýshy Jańagúl Sultanova. – Bas-aıaǵy bir jarym saǵatqa sozylǵan ertegi-támsilde barlyq keıipkerlerdi bir ózi san qyrynan alyp shyqqan tanymal akter Safýan Rysbaıuly ózine júktelgen osy mindetti keremet abyroımen, ózine tán sheberlikpen óte jaqsy atqara bildi. Onyń qaısy bir keıipkeri de óziniń oqıǵaǵa tereń qatystylyǵymen, ózine kerekti belsendilikpen jandy túrde kórindi. Bul – bir. Ekinshiden, qazir biraz ýaqyttardan beri álem teatrlarynyń kópshiliginde ornyǵyp qalǵan monospektaklder dástúriniń qazaq sahna óneri úshin de jat bola almaıtynyn anyq baıqatyp berdi. Biz osy úshin akterge razylyǵymyzdy bildiremiz».
Bir aıta ketetin jaıt, oqý orny janynan ashylyp jatqan «Safýan Rysbaıulynyń anteprız teatrynyń» tabanynan tik turyp ketýine «Tamshy» ǵylym jáne mádenıet qory quryltaıshylyq jasady.
Rýslan Igilik.
Derek, sýret: ras.kz.
