Bul qaraly habardy Qazaqstan Jazýshylar odaǵy rastady. Marqumdy aqtyq saparǵa shyǵaryp alý rásimi 12 mamyrda saǵat 10.00-de ótedi.
- Qazaqstannyń Halyq jazýshysy Qalıjan Bekhojınniń jary Zaıda Bekhojına dúnıeden ótti, - dep jazylǵan aqparat kóziniń habarlamasynda.
Zaıda Bekhojına – sanaly ǵumyryn urpaq tárbıesine arnaǵan ulaǵatty ustaz. Ol uzaq jyl mektepte tarıh páninen sabaq bergen.
Sonymen qatar Zaıda Bekhojına – aqyn, dramatýrg, aýdarmashy, Qazaqstannyń halyq jazýshysy (1986), memlekettik syılyqtyń ıegeri Qalıjan Bekhojınniń jubaıy.
Qalıjan Bekhojınniń esimi qazaq ádebıeti tarıhynda altyn árippen qalǵan. Jazýshyǵa "Meniń zamandastarym" atty eńbegi úshin Qazaq KSR-iniń Abaı atyndaǵy Memlekettik syılyǵy berilgen. Sondaı-aq, jazýshy urpaqty Otanshyldyqqa, el men jerdi súıýge baýlıtyn "Jýsan" poemasyn jazdy. Al aq adal mahabattyń úlgisi retinde artyna "Marııam Jagorqyzy" sııaqty tyń týyndylar qaldyrdy.
