N.Mosýnova bıyl 100 jasqa toldy. Ardager soǵysta radıst bolǵan. M.Tólepbergen aqsaqal Polsha, Germanııa jerinde shaıqasqan. Erligine saı «Uly Otan soǵysy», «Germanııany jeńgeni úshin», «Varshavany azat etkeni úshin» ordenderimen marapattalǵan.
Ardagerlermen birge «Dańq» memorıalyndaǵy «Máńgilik alaý» monýmentine gúl shoqtaryn qoıyp, qurban bolǵandardy bir mınýt únsizdikpen eske alǵan qala ákimi maıdangerlerge Prezıdent Qasym-Jomart Toqaevtyń arnaıy quttyqtaýhatyn oqyp berdi.
«Biz 9 mamyrda beıbit ómir men tynyshtyqty qorǵaý jolynda qurban bolyp, maıdan dalasynan qaıtpaı qalǵan batyrlarymyzdyń rýhyna taǵzym etemiz. Soǵys jáne tyl ardagerlerine sheksiz rızashylyq bildirip, aıryqsha qurmet kórsetemiz», delingen Prezıdent quttyqtaýynda.
Sondaı-aq shahar basshysy óz atynan da maıdangerlerdi Jeńis kúnimen quttyqtady. «9 mamyr – Jeńis kúni barshamyz úshin úlken mereke. Bul kúni beıbit aspan astyndaǵy búgingideı mamyrajaı ómir syılaǵan batyrlarǵa qurmet kórsetemiz. О́ıtkeni biz Jeńistiń qundylyǵyn eshqashan umytpaımyz jáne bostandyq úshin qaza tapqan batyrlardyń jarqyn beınesi árdaıym jadymyzda qalady. Sizderdiń boılaryńyzdaǵy erlik pen uly rýh, batyldyq pen batyrlyq – bolashaq urpaq úshin tabandylyq pen patrıotızmniń laıyqty úlgisi», dedi ákim.
Osylaısha, megapolıs basshysy soǵys kezindegi atalarymyzdyń erlikteri men eńbekteri óskeleń urpaq úshin qaısarlyq, janqııarlyq pen otanshyldyqtyń jarqyn mysaly ekenin atap ótti.
О́z kezeginde qurmet kórsetip, sheksiz iltıpatqa bólegen qala basshylyǵyna ǵasyr jasaǵan maıdangerler razylyǵyn aıtyp, alǵysyn jetkizdi.
«Kórgenimiz tek jaqsylyq bolsyn. Mundaı soǵystyń betin qudaıym endi aýlaq qylsyn. Jastar ósip-ónsin. Urpaǵymyz aman bolsyn. Elimiz damyp, gúldene bersin. Halqymyz máńgi jasasyn», dep Murataly Tólepbergen aqsaqal batasyn berdi.
Bul kúni erlerge taǵzym kórsetý úshin qalanyń barlyq turǵyny «Dańq» memorıalyna jınaldy. Sol azamattardyń ishinde otstavkadaǵy polkovnık, Shymkenttegi qarýly kúshter ardagerleri uıymynyń jetekshisi Serikbaı Ońbaev Jeńis kúni merekesi is-sharasynyń mańyzdylyǵy jóninde aıtyp berdi.
«Byltyr qalamyzda soǵysqa qatysqan 9 ardagerimiz bar edi. О́kinishke qaraı, olardyń qatary jyldan-jylǵa sırep barady. Bıyl kózi tiri eki maıdangerimizdi ardaqtadyq. Olarǵa qala basshylyǵy tarapynan páter kiltterin tabystaýy – óte qýanyshty jaǵdaı. Eskertkish mańaıynda ıne shanshar jer joq. Barlyǵy atalaryn eske alýǵa kelgen. Osydan-aq merekeniń mańyzdylyǵyn bilýge bolady. Bir qýanarlyǵy, ardagerlerge elimizde barlyq jaǵdaı jasalyp jatyr. Máselen, mamyrdan bastap Shymkentte 70-ten asqan zeınetkerler avtobýsta tegin júre bastady. Bul da bolsa – úlken kómek. Odan bólek, aqpan aıynda Aýǵan jerinen keńes áskeriniń shyǵarylǵanyna 35 jyl tolýyna oraı Aýǵan soǵysy ardagerlerine 210 myń teńge syıaqy tabystaldy. Odan bólek, jeltoqsanshylarǵa, Taýly Qarabaq qaqtyǵysy, tájik-aýǵan shekarasyn kúzetken, Chernobyl apaty, Semeı synaq ardagerlerine de áleýmettik kómek berilip keledi. Qarýly kúshter ardagerleri uıymynyń negizgi mindetine óskeleń urpaqty áskerı-patrıottyq rýhta tárbıeleý, el qorǵaýǵa daıarlaý, sonyń aıasynda túrli is-shara ótkizý jumystary kiredi. Shymkentte 272 orta mektep, 39 kolledj, onǵa jýyq joǵary oqý orny bar. Osy atalǵan bilim uıymdarynyń barlyǵynda áskerı-patrıottyq is-shara ótkiziledi. Kún saıyn mektep-kolledjderde erlik sabaqtaryn uıymdastyryp otyramyz», dedi S.Ońbaev.
Ardagerleri uıymy jetekshisiniń aıtýynsha, bıyl Shymkentte esimi orta mektepke berilgen Halyq qaharmany Saǵadat Nurmaǵambetovtiń 100 jyldyǵy atalyp ótiledi. Soǵan oraı batyrǵa eskertkish ornatylmaq. Budan bólek, qoǵamdyq birlestiktiń uıytqy bolýymen №53 mektepke armııa generaly, Keńes Odaǵynyń batyry Sabyr Raqymovtyń aty berilip, mektep ishinen batyrǵa arnalyp mýzeı ashyldy.
«Máńgilik alaý» monýmentine gúl shoqtaryn qoıǵan Shymkent qalasy máslıhatynyń tóraǵasy Bahadyr Narymbetov depýtattar korpýsy ardagerlerge qamqorlyq jasaý baǵytynda jumys júrgize beretinin jetkizdi. Ol sondaı-aq qala ákiminiń usynysymen máslıhat depýtattary arnaıy sessııa ótkizip, qos ardagerge 2 mln teńgeden bir rettik syıaqy tabystalǵanyn atap ótti. Jeńis kúni merekesi qarsańynda depýtattar ár maıdangerdiń shańyraǵyna bas suǵyp, olardy quttyqtap, syı-sııapat kórsetti. B.Narymbetovtiń aıtýynsha, ardagerlerge qansha qamqorlyq jasalsa da kóptik etpeıdi. О́ıtkeni olar álemdi fashızmnen qutqardy. Sondyqtan soǵys, tyl ardagerleriniń eńbegin óskeleń urpaq umytpaý keregin eske saldy.
«Biz – jeńimpazdar urpaǵynyń ókilimiz. Sonymen maqtanýymyz kerek. Soǵysta qaharmandyq kórsetken atalarymyzdyń batyrlyǵy bizge árdaıym úlgi-ónege bolýǵa tıis. Osy atalar erligin búgingi urpaqtyń sanasyna myqtap bekitýimiz kerek. Ol úshin menińshe, ıdeologııalyq maqsattaǵy jumystardy kúsheıtip, tıisti joba-baǵyttardy qaıta aıqyndaý kerek. Jeńis bul tek maqtaný úshin emes, sodan sabaq alyp, tarıhta mundaı sumdyqtyń qaıtalanbaýyna jol bermeý úshin de kerek», dedi B.Narymbetov.
Bıyl sonymen birge Shymkentte soǵys ardagerlerine teńestirilgen azamattarǵa da 166 myń teńgeden bir rettik syıaqy tólendi. Buǵan deıin onyń kólemi 132 myń teńge bolatyn. Budan bólek, shaharda turyp jatqan tyl eńbekkerlerine de materıaldyq kómekter kórsetilip keledi. Aıtalyq ótken jyly olarǵa 41 400 teńge syıaqy berilse, bıyl bul qarajat somasy 55 380
teńgege ulǵaıtyldy.
ShYMKENT
