Foto: olympic.kz
19-24 mamyrda Birikken Arab Ámirliginiń Abý-Dabı qalasynda dzıýdodan Álem chempıonaty ótedi. Bul baıraqty básekede kelesi quramdaǵy qyzdar elimizdiń atynan synǵa túsedi.
«48 keli salmaqta Abıba Ábýjaqynova men Ǵalııa Tynbaeva baq synaıdy. 52 kelide eshbir sportshyny qatystyrmaımyz. Bul salmaqtaǵy qyzdar áli de chempıonat deńgeıine jetken joq. Baqyt Qusaqbaeva 57 kelide synǵa túsedi ári komandalyq jarysta el namysyn qorǵaıdy. Esmıgýl Kýıýlova 63 kelide beldesedi. Ol komandalyq týrnırdegi olımpıadalyq kvotalarǵa úmitkerlerdiń biri. Sondyqtan oǵan mindetti túrde jarysqa qatysý kerek.
70 kelide Ekaterına Tokarevaǵa senim artamyz. Ol Astanadaǵy Grand Slam-da jaqsy kúresti. Tájirıbesi de tolysyp keledi. 78 kelide Arýna Jangeldına synǵa túsedi. Azııa chempıonatynda jaraqat alyp qalǵan. Álem birinshiligine deıin sapqa qosylady dep úmittenemiz.
78 keliden joǵary salmaqta Kamıla Berliqash kúresedi. Ol da kvotaǵa ıelik etken, Olımpıadaǵa qatysady. Sońǵy jattyǵý jıynyn Qazaqstanda ótkizip, chempıonatqa elden tikeleı ushyp ketemiz», dedi dzıýdodan Qazaqstan áıelder quramasynyń bas bapkeri Erlan Alpysbaev.
