foto: qaz.ulysmedia.kz
Ekibastuz qalasy Shiderti aýylynyń turǵyny 2023 jyldyń 10-17 qarashasy aralyǵynda óziniń segiz aılyq balasyna nemquraıdy qarap, ony jetkilikti mólsherde tamaqtandyrmaǵany, sonyń saldarynan náreste shetinep ketkeni anyqtaldy.
Áıel óz kinásin tolyq moıyndap, jasaǵan áreketine ókindi.
Sondaı-aq onyń kinási sot-medısınalyq saraptamanyń qorytyndysymen, sarapshylardyń aıǵaqtarymen, basqa da qujattyq jáne zattaı dáleldemelermen dáleldendi.
Prokýror sottalýshyǵa bir jyl merzimge bas bostandyǵynan aıyrý jazasyn taǵaıyndaýdy surady. Jábirlenýshiniń ókili jazalaý barysynda memlekettik aıyptaýshyny qoldady. Sottalýshy ony bas bostandyǵynan aıyrmaýdy surady.
Sot sottalýshynyń jeke basyn jáne otbasylyq jaǵdaıyn eskere otyryp, ony bir jyl merzimge bas bostandyǵynan aıyrý jazasyna kesti.
Qalǵan eki kishkentaı balaǵa qatysty áıeldiń ata-analyq quqyqtary shektelip, olar Ekibastuz qalalyq bilim bóliminiń qamqorlyǵyna beriledi dep sheshildi.
Úkim zańdy kúshine engen joq.
