Foto: miro.medium.com
«Ol «Metropolitan Manageres Corp» (BVI) offshorlyq kompanııasynyń nomınaldy ókili, «Belovod krahmal kombınaty» JAQ Basqarma Tóraǵasy jáne «Maıs Agro» JShS mamany retinde banktiń 300 mln teńgeden astam somaǵa aqsha qarajatyn jymqyrǵan», dep naqtylady QR Sybaılas jemqorlyqqa qarsy is-qımyl agenttigi.
Kúdiktiniń jaqyn týystarymen jáne advokatymen túsindirý jumystary júrgizilip, nátıjesinde Bogdanov Qazaqstanǵa oralýǵa jáne tergeýge járdemdesýge nıet bildirdi.
«2024 jyldyń 15 mamyrynda QR IIM Interpolynyń kómegimen Bogdanov Brıýssel qalasynan (Belgııa) Almaty qalasyna bardy. Kúdiktiniń erikti túrde oralýyn, kinásin tolyq moıyndaýyn jáne tergeýmen yntymaqtastyǵyn eskere otyryp, Bogdanovqa qatysty buryn saılanǵan qamaýda ustaý túrindegi bultartpaý sharasy kepilge ózgertildi. Qazirgi ýaqytta kúdiktiniń qatysýymen tergeý áreketteri júrgizilip jatyr. Sotqa deıingi tergeý jalǵasyp jatyr», dep habarlady agenttiktiń baspasóz qyzmeti.
Aıta keteıik, Sybaılas jemqorlyqqa qarsy qyzmettiń basshylyǵymen vedomstvoaralyq jedel-tergeý toby «BTA Banki» AQ burynǵy top-menedjmentine qatysty uıymdasqan qylmystyq qoǵamdastyq quramynda jasalǵan aqshany, onyń ishinde shetelde jymqyrý jáne jylystatý faktileri boıynsha qylmystyq isti tergeýdi jalǵastyryp jatyr.
