Foto: Samruk-Kazyna Construction
«Biz «Jaıly mektep» ulttyq jobasy boıynsha qujat aınalymyn tolyqtaı elektrondyq formatqa aýystyrdyq. Iаǵnı, endi qaǵazbastylyqty umytýǵa bolady. Bul otandyq qurylys salasy úshin úlken serpilis. El Prezıdenti Qasym-Jomart Kemeluly Toqaev óz joldaýynda: «Sıfrlandyrý – barlyq reformanyń negizgi elementi jáne ulttyń básekege qabilettiligin arttyrýdyń negizgi quraly», dep atap ótken edi. Qurylys salasynda Samruk-Kazyna Construction elimizde alǵashqy bolyp «E-Qurylys» júıesine kóship jatyr», dedi Máýlen Aımanbetov.
Onyń aıtýynsha, Memleket basshysynyń tapsyrmasyn oryndaý aıasynda birneshe aı boıy tıisti jumys atqaryldy. «E-Qurylys» aqparattyq júıesinde barlyq prosesster sıfrlandyryldy. Sondyqtan jobadan aýytqýǵa, oryndalmaǵan jumystardy qabyldaýǵa jol berilmeıdi.
Barlyq aktiler avtomatty túrde jasaqtalady. Tıisti qujattar men fotosýretterdiń bári elektrondy formatta júıege júktelip, elektrondy akt jasalmaıynsha, merdigerlerge bir tıyn tólem jasalmaıdy. Bul sybaılas jemqorlyq pen «beıresmı qarym-qatynastar» syndy qaýip-qaterlerdi boldyrmaıdy, al qurylys prosesi barynsha ashyq júrgiziledi.
Alǵashynda ulttyq jobany «E-Qurylys» platformasynda iske asyrýǵa Qurylysshylar odaǵy, óńirlerdegi qurylys basqarmasy basshylary men qurylys kompanııalary qarsylyq bildirgen. Olar júıeniń áli «shıki» ekenin alǵa tartyp, eski tártip boıynsha «qaǵazben» jumys isteýdi surady. Sondaı-aq jobalyq-smetalyq qujattamanyń áli saraptama qorytyndysyn almaǵanyn alǵa tartyp, bul bastamany synǵa alǵandar az bolmady.
«Negizinde, bizde aqpan aıynda alǵashqy aktilerdi qaǵaz júzinde qabyldaýǵa múmkindik boldy. Alaıda, jobanyń ashyqtyǵyn, tazalyǵyn qamtamasyz etip, jemqorlyq pen basqa da buzýshylyqtardy boldyrmaý úshin qujat aınalymyn tolyqtaı elektrondy formatqa kóshirýdi maqsat qoıdyq. Ol úshin 3 aı ýaqyt joǵaltýǵa týra keldi. Halqymyz «asyqqan shaıtannyń isi», «sabyr túbi sary altyn» dep beker aıtpaǵan. Sıfrlandyrý – qazirgi kezeńniń talaby ekenin túsingen jón. «Jaıly mektep» ulttyq jobasy ERS-sharttar boıynsha júzege asyrylyp jatyr. Iаǵnı jobalaý, qurylys jáne jabdyqtaý jumystary bir ýaqytta «paralleldi» júrgizilgendikten, qurylys merzimi birshama qysqarady. Sondyqtan da, joba «pılottyq» degen mártebege ıe. Biz jańa ádistemeni synap jatyrmyz. 98 mektepti oqý jylynyń basyna deıin qoldanysqa tapsyrýdy josparlap otyrmyz. Olardyń jartysynan astamy, ıaǵnı 53 nysannyń jobalyq smetalyq qujattamasy memlekettik saraptamadan ótip, ońtaıly qorytyndy aldy. Qalǵandary jaqyn arada saraptamadan oń qorytyndymen shyǵady dep josparlanǵan», dep túsindirdi Máýlen Aımanbetov.
Samruk-Kazyna Construction Basqarma tóraǵasynyń aıtýynsha, jańashyldyqty endirý jáne iske qosý prosesinde kóptegen tehnıkalyq qıyndyqtar týyndady. Samruk-Kazyna Construction men ázirleýshi kompanııa mamandary birlese otyryp, kemshilikterdiń bárin túzetti. Kún saıyn merdigerler men jobalaýshy uıymdar, bizdiń qyzmetkerler, tehnıkalyq jáne avtorlyq qadaǵalaý sarapshylarynyń qatysýymen oqytý semınarlary, jınalystar ótkizildi.
«Qol qoıylǵan birinshi elektrondy akti men jasalǵan tólem – bul birneshe aıǵa sozylǵan qajyrly jáne úzdiksiz jumysymyzdyń nátıjesi. Osy iske atsalysqan barlyq qyzmetkerge alǵysym sheksiz. О́ıtkeni, qaıtalap aıtaıyn, Samruk-Kazyna Construction áleýmettik nysandardyń ǵana emes, jalpy qurylysta alǵashqy bolyp «E-Qurylys» platformasyn endirdi. Bul biz úshin úlken mártebe ǵana emes, sondaı-aq zor jaýapkershilik. Júıeni odan ári jetildirý boıynsha jumystar áli de jalǵasyn tabady», dep túıindedi Máýlen Aımanbetov.
