Maǵynasyz mańdaıshalar

Degenmen qazir Almatynyń dızaın-kodyn qalyptastyrý isi shyndap qolǵa alyna bastaǵany qýantady. О́ıtkeni qala kásipkerleri standartqa saı kelmeıtin jarnamany alyp tas­taý týraly ortaq mámilege kelip, mańdaıshalar men syrtqy jarnamany qalanyń jańa dızaın-kodyna sáıkes keltirý jumystaryn atqaryp jatyr. Oǵan qosa, Qalalyq josparlaý jáne ýrbanıstıka basqarmasynyń qyzmetkerleri aýdan ákimdikterimen birlesip, jergilikti kommersııalyq nysandardyń menshik ıelerine túsindirý jumystaryn júrgizip júr.

«Almaly aýdanynyń saýda úı­leriniń birindegi kásip­ker­lerimen kezdestik, olarǵa buryn zańsyz jarnamalardy alyp tastaý týraly nusqaý berilgen bolatyn. Keıbiri muny ózderi atqardy, al endi birine jańa normalardy qosymsha túsindirýge týra keldi. Jalpy, bıznes ókilderine 900-ge jýyq habarlama berdik, ıaǵnı búkil qalanyń syrtqy kelbetin jaqsartý jónindegi júıeli jumysty jalǵastyramyz», deıdi basqarma basshysy Nurlan Boranbaev.

Osy arada, taqyrypqa oraılas, 2023 jyly jeltoqsanda qalalyq máslıhat bekitken Almatynyń jańa dızaın-kody ártúrli aqparatty jazý men toltyrýǵa qatysty qatań talaptar qoıǵanyn eske sala ketý kerek. Bul – mańdaıshalar, jar­na­malyq qurylymdar jáne kez kelgen basqa syrtqy aqparat, sondaı-aq ǵımarattardyń birinshi jáne ekinshi qabattaryndaǵy turǵyn úıge jatpaıtyn keńistikterdiń tústeri men árleý materıaldary. Qysqasy, osy elementterdiń barlyǵy qasbettiń sáý­letimen úılesip, ǵımarat arhıtek­tý­rasynyń tutastyǵyn buzbaýy kerek.

Aıtqandaı, sáýir aıynyń basynda «Almaty bas jospary» ǴZI bıznes-qoǵamdastyqtyń ókilderimen birge qalanyń dızaın-kody aıasynda brendbýktardy ázirleý tásilderine usynystar jınaý jóninde jobalyq semınar ótkizgenin aıta ketken jón. Kezdesý barysynda Almaty qala­synyń dızaın-kody jobasynyń bas sáýletshisi Tahmına Safoeva: «Ǵımarattardyń birinshi jáne ekinshi qabattaryndaǵy turǵyn úı emes úı-jaılardyń mańdaıshalary men kez kelgen basqa syrtqy aqparat, tús pen árleý materıaldary qasbetterdiń sáýlettik stıline sáıkes kelýge jáne ǵımarattyń sáýletin qabyldaýdyń tutastyǵyn buzbaýǵa tıis. Jalpy, jergilikti jerdiń sáýlettik ansamblin ustaný qajet», degen edi.

Jıynda kásipkerlerge qandaı oryn­darda mańdaıshalardy or­nalas­tyrýǵa jol berilmeıtini anyq aıtyl­dy. Iаǵnı turǵyn úıge jatpaıtyn nysandardaǵy shatyr men qasbettik qondyrǵylardy qospaǵanda, úı-jaıǵa kireberis sheginen asýǵa, elektrondyq tablo (shatyr jáne qasbet qondyrǵylaryn qospaǵanda), ne júgirtpe joldardy paı­dalanýǵa, balkondardyń qorshaýy men plıtalarynda, lodjııa men erkerlerde, sáýlet elementteri men ǵımarattyń kel­betin jabýǵa, tereze jaqtaýlary jáne vıtrınalarda, oıyqtyń 30%-dan astam bóligin jabýǵa bolmaıtyny, qasbettiń búıir sheginen tys jáne qasbet jazyqtyǵynan shyqpaý kerektigi, turǵyn úılerdiń kireberisteri sheginde, ǵımaratty boılaı tik baǵytta, kireberister sany boıynsha bir birlikten artyq mańdaısha men jarnama ornatýǵa ruqsat berilmeıtini eskertildi.

Búginde Almaty elimizdiń mádenı oshaǵy ǵana emes, iri saýda ortalyǵyna aınalǵandyqtan, qyzmet kórsetý salasy da jaqsy damyp jatqan qala deýge tolyq negiz bar. Kásipkerlik basqarmasynyń málimetinshe, tek 2023 jyly Almatyda jumys istep turǵan shaǵyn jáne orta kásiporyndardyń sany 315,2 myń­nan­ as­qan. Olar­­­­dyń kóp­shi­ligi saýda, ta­maqtaný jáne qyz­met kór­setý salasynda jumys istep, qarqyndy damyp keledi. Bul árbir ekinshi kompanııanyń óz brendi men mańdaıshasy bar degen sóz.

Sáýirdegi basqosýda kásipkerler brendbýktarǵa «Mańdaısha» jáne «Kireberis» baǵyty boıynsha óz usynystaryn bildirgen bolatyn. «Asia beauty» sulýlyq salondary jelisiniń ıesi Ásııa Ábıtaeva syrtqy jarnamany bezendirýde biryńǵaı stıl qalyptastyrý úshin tústerdiń biryńǵaı gammasyn jasaý, áripterdi standarttaý katalogin qurýdy usyn­dy. Al «Kosmokomes» JShS ıesi Iýrıı Babıch: «Abattandyrýdyń barlyq elementine «aıdentıka» men ulttyq sım­vo­lı­­­­­­­kany en­gizýdi usy­­­na­myz. Bul ult­tyq maq­­­­tanysh se­zi­min tý­dy­­­­­rady, Ota­­ny­­­myzǵa degen súıis­­pen­shilikti ny­ǵaı­­ta­dy», degen usy­nys tastady.

Jıynda sóz alǵan týrızm sala­sy­­nyń ókil­deri syrt­qy jarnama men mań­daı­sha formaty qala kel­beti men týrıst tartý máselesinde de ózekti eken­digin alǵa tartty. «Evis travel» kom­panııasynyń basshysy Svetlana Mınıhanova mańyzdy memlekettik ny­sandardy taqyryptyq turǵyda bezen­dirýdi usyndy.

Almaty kásipkerleri sha­har­dyń dızaın-kody aıasynda brendbýktar jasaýǵa múddeli eken­dikterin bildirip otyr, óıtkeni árbir bıznes-nysan úshin mańdaısha – tanylýdyń, klıent tartýdyń, tabysty bolýdyń mańyzdy bir bólshegi.

ALMATY