Foto: gov.kz
«Bul baıqaýdy mamyr aıynda úshinshi jyl ótkizip jatyrmyz jáne aldymyzda praktıkalyq maqsat bar. Balalar qaýipsizdik erejelerimen tanysyp, este saqtaıdy», deıdi №3 arnaıy mektep dırektory Gúldana Ábdiǵalıeva.
Astana qalasy PD Baıqońyr aýdany polısııa basqarmasynyń kapıtany Aıdana Jýkenova balalarǵa jol qozǵalysy erejelerin túsinýge járdemdesti.
Baıqaý eki kezeńde ótip, oǵan 3 arnaıy mektepten jáne 1 jalpy bilim beretin mektepten 36 oqýshy tórt nomınasııa boıynsha qatysty: «Sirińke balalar úshin oıynshyq emes» sýretter baıqaýy, «О́rtke qarsy ınventar» qolóner baıqaýy, «Joldardaǵy qaýipsizdik» áleýmettik beınerolıkter baıqaýy, «Qaýipsiz balalyq shaq» komandalyq qoıylymy.
Jeńimpazdar «Balalar álemi» dúkeniniń dıplomdarymen jáne sertıfıkattarymen marapattaldy.
Is-shara uıymdastyrýshylary konserttik baǵdarlamasy úshin M.О́temisov atyndaǵy Oqýshylar saraıyna, sonymen qatar konkýrsty ótkizýge járdem etkeni úshin jeke kompanııalarǵa alǵystaryn bildirdi.
