Pavlodar oblysy bilim berý basqarmasynyń «Ertis daryny» óńirlik qosymsha bilim berý oqý-ádistemelik ortalyǵy shyǵarmashyl jas órender dodasyn Qazaqstan Respýblıkasy Oqý-aǵartý mınıstrligi «Daryn» respýblıkalyq ǵylymı-praktıkalyq ortalyǵynyń qoldaýymen tórtinshi ret respýblıkalyq deńgeıde ótkizip jatyr.
Saıysqa 13 oblystan, Astana, Almaty, Shymkent qalalarynan jáne bir respýblıkalyq bilim berý uıymynan 63 úmitker qatysty. Qazylar alqasynyń sheshimi negizinde 33 oqýshy jeńimpaz ben júldeger atandy: Bas júlde – 4, I oryn – 4, II oryn – 10, III oryn – 15.
Aqyndar dodasy 4 nomınasııa boıynsha óz jalǵasyn tapty. «Bas bolyp óner bilseń, tipti jaqsy» - ǵylymı joba qorǵaý. «Bilimdi zerek adam bolam!» – deseń, Qara ózińdi basqanyń aınasymen» - esse jazý. «Máshhúr Júsip shyǵarmalary jáne «Uly dalanyń uly esimderi» sıpattaý baǵyty. «Aldyma óleń jaz dep qaǵaz kelgen, Sózimdi sóılep baqtym men de bilgen» - aqyndar músháırasy.
Aqyndar músháırasynda Bas júldeni Pavlodar oblysy Aqsý qalasy Iý.Gagarın atyndaǵy jalpy orta bilim berý mektebiniń 9-synyp oqýshysy Tilenish Erkebulan jeńip aldy.
«Erkebulan baıqaýlarǵa 11 jasynan bastap qatysyp keledi. Qazir Aqsý qalasy, Iý. Gagarın atyndaǵy orta mektebiniń 9 synyp oqýshysy. О́te daryndy, ádebıetke jaqyn bala. Oblystyq Muqaǵalı, Mahambet, Abaı, Shákárim, Máshhúr oqýlarynyń Bas-júlde ıegeri. Respýblıkalyq Mahambet, Máshhúr oqýlarynyń jeńimpazy. Respýblıkalyq Abaı, Muqaǵalı oqýlaryna joldama alǵan. О́leńderi oblystyq, Respýblıkalyq gazet-jýrnaldarda, onlaın portaldarda jarııalanǵan», dedi jetekshisi Almas Aqtasov.
«Máshhúr Júsip shyǵarmalary jáne «Uly dalanyń uly esimderi» sıpattaý baǵytynda - Pavlodar oblysy Maı aýdany Kóktóbe jalpy orta bilim berý mektebiniń 11-synyp oqýshysy Nurqýat Aıbulaq ekinshi oryndy qanjyǵasyna baılady. Nurqýat Aıbulaq 2022-2023 oqý jylynda Almaty oblysynnan Maı aýdany, «Kóktóbe jalpy orta bilim berý mektebi» KMM 10- synypqa keldi. 2022 jylǵy qazan aıynda oblystyq «Maǵjan oqýlary» saıysyna qatysyp 1 orynǵa ıe boldy. Odan keıin «Ábish oqýlaryna» qatysýshy atanyp, Máshhúr Júsip Kópeıulynyń 165 jyldyq mereıtoıyna arnalǵan «Álemge aty málim Máshhúr Júsip» atty oblystyq baıqaýdan «Ǵıbratnama» shyǵarmasyn jatqa aıtyp, Bas júlde ıegeri atandy. 2024 jyly oblystyq «Máshhúr Júsip oqýlarynyń» Máshhúr Júsip shyǵarmalary jáne «Uly dalanyń uly esimderi» baǵytynda Bas júldege ıe bolyp, respýblıkalyq kezeńge joldama aldy.
«Aıbulaq óz jobasynda Máshhúr Júsiptiń shyǵarmalaryndaǵy Shoń bıdiń naqyl sózderi men Shoń týraly estigeniniń saqtalǵany jaıly baıandady. Qorǵaǵan taqyrybynyń ataýy: «Shoń bı Edigeuly». Bıylǵy oqý jylynda Aıbulaq 11 - synyp túlegi, alǵyr, maqsat - armandary kóp», dedi jetekshi ustazy Zaýresh Imanbaeva.
Sonymen qatar baıqaý qatysýshylary men jetekshileri Baıanaýyl jerinde ornalasqan Máshhúr Júsip Kópeıulynyń kesenesine bardy.
Respýblıkalyq is-shara aıasynda qatysýshylardy daıyndaǵan muǵalimderge «Máshhúr Júsip Kópeıuly: ulttyń tanymdyq jáne sanalyq kórinisi» taqyrybynda ótkizilgen semınarda Toraıǵyrov Ýnıversıteti kafedra meńgerýshisi, fılologııa ǵylymdarynyń doktory, professor Júsipov Nartaı Qýandyquly, Qazaqstan Jazýshylar Odaǵy Pavlodar oblystyq fılıalynyń tóraǵasy, fılologııa ǵylymdarynyń kandıdaty, aqyn Elikpaev Serik Tóleýbaıuly; Toraıǵyrov Ýnıversıteti fılologııa ǵylymdarynyń kandıdaty, professor Kapasova Bahytgúl Kasymbaevna ádistemelik dáris oqydy.
Is-shara qatysýshylaryna sertıfıkattar tabystaldy.
