Foto: Vıdeoskrın. TJ jónindegi jedel shtab
Úıdi aralaý barlyq baǵalaý jumystary tolyq aıaqtalǵanǵa deıin kún saıyn demalyssyz jalǵasatyn bolady.
Sonymen qatar sý tasqyny kezinde zardap shekken turǵyndarmen aqshalaı ótemaqy tóleý boıynsha kelisimder jasasý boıynsha jumystar jergilikti Mádenıet úıinde júrgizilip jatyr.
Turǵyndardyń biri Toıǵan Qarabaeva baǵalaý nátıjesinde kórsetilgen aqshalaı ótemaqy somasyn alýǵa kelisip otyr. Onyń úıi 5 sáýirde sý tasqyny kezinde qulap qalǵan edi.
«Qulsarydaǵy shaǵyn aýdandarynyń birinde páter jaldap júrmin. Sondyqtan, tezirek baspana satyp alýym kerek. Aqshalaı ótemaqy alǵannan keıin jańadan úı salamyn nemese jańa úı satyp alýym da múmkin. Maǵan ótemaqy berip otyrǵan memleketke alǵys aıtamyn», dedi zardap shegýshi.
Zardap shekkenderdiń qatarynda Qulsary qalasynyń Atyraý shaǵyn aýdanynyń turǵyny Laýra Sandybaeva da bar. Onyń úıi 5 sáýirde sý astynda qalǵan edi. Keıin aýlasy qurǵatylyp, úı mamandardyń baǵalaýynan ótti.
«Maǵan eki baǵalaý komıssııasy keldi. Olardyń jumysynyń nátıjelerin jáne sý basqan turǵyn úıimniń zalalyn jarııalaýdy kútip júrmin. Eger usynylǵan soma qajetimdi óteıtin deńgeıde bolsa, aqshalaı ótemaqy alýǵa kelisim beremin», deıdi ol.
Baǵalaý nátıjelerimen tanysqannan keıin eki kún ótken soń, Qulsary turǵyndary memleketten kómek alý úshin Jylyoı aýdanynyń ákimdigine júgine alady. Kelisim sheńberinde turǵyndar zardap shekken turǵyn úı úshin ótemaqy opsııalaryn tańdaı alady.
