Forýmda Abaı ýnıversıtetiniń basqarma tóraǵasy-rektory Bolat Tilep pedagogıkalyq bilim berýdiń flagmany bolyp tabylatyn Abaı ýnıversıteti jasyl ýnıversıtet, sıfrlyq ýnıversıtet jáne pedagogıkalyq zertteý ýnıversıtetin qurý jolynda jańa ınnovasııalardy engize otyryp, jańa formasııadaǵy pedagog kadrlardy daıarlaýda jáne ǵylym salasyn damytýda álemdik tájirıbeni qoldanylatynyn atap ótti.
Okaıama ýnıversıteti Turaqty damý maksatynda bilim berý ortalyǵynyń dırektory Hırokı Fýdjı, sonymen qatar professor Rae Kvon Chýng qazirgi ekologııalyq zertteýlerdiń mańyzdylyǵyna toqtalyp, óskeleń urpaqtyń nazaryn Jasyl ekonomıkaǵa aýdarý qajettiligine basa nazar aýdardy. Ǵalymdardyń paıymdaýynsha, klımatty saqtaý jáne onyń ózgerýine qatysty kúresti qarjy, tehnologııa jáne ekonomıka arqyly ǵana emes, adamdardyń oılaý qabiletine áser etý arqyly da júrgizýge bolady jáne bul jerde joǵary oqý oryndary sheshýshi ról atqarady.
Forýmǵa Prezıdent janyndaǵy Ulttyq ǵylym akademııasynyń, Almaty qalasyn damytý ortalyǵynyń, IýNESKO-nyń Almatydaǵy óńirlik keńsesiniń ókilderi, Koreıa, Fılıppın, Japonııa, Indonezııa, Úndistan, Qytaı, О́zbekstan elderinen kelgen sarapshylar qatysty.
Is-shara barysynda professorlar Hırokı Fýdjı men Rae Kvon Chýngqa «Abaı atyndaǵy QazUPÝ-dyń qurmetti professory» ataǵy berildi.
Ary qaraı plenarlyq otyrystar men taqyryptyq sessııalarmen jalǵasqan forýmda Ortalyq Azııadaǵy klımattyń ózgerýi salasyndaǵy bilim Azııa elderi pedagogtardyń klımattyń ózgerýi boıynsha bilim berý baǵdarlamasy, О́zbekstan jáne Qyrǵyzstan, Turaqty damýǵa arnalǵan stýdenttik startaptardy damytý máselesi talqylandy.
ALMATY
