Foto: azattyq-ruhy.kz
IIM resmı ókili Shyńǵys Álekeshevtiń aıtýynsha, byltyr «sońǵy qońyraýdyń» resmı bóliginen keıin mektep túlekteri is-sharalardy óz betinshe jalǵastyrǵan. Máselen, Jambyl, Atyraý oblystary men Almaty qalasynyń mektep bitirýshileri kólik tizgindep, tótenshe jaǵdaıǵa tap bolǵan.
«Odan bólek, balalar tyıym salynǵan jerlerde sýǵa túsip jatady. Byltyr Aqmola, Mańǵystaý jáne Atyraý oblystaryndaǵy sý aıdyndarynyń shomylýǵa jabdyqtalmaǵan jerlerinde jasóspirimderdiń sýǵa ketý jaǵdaılary tirkeldi. Osyny eskere otyryp, ata-analar men túlekterdi minez-qulyqtyń qajetti normalary men erejelerin saqtaýǵa shaqyramyz», dedi IIM resmı ókili Shyńǵys Álekeshev.
Aıta keteıik, saltanatty is-sharalar barysynda polısııa organdary qoǵamdyq tártip pen jol qaýipsizdigin qamtamasyz etý boıynsha barlyq sharalardy qabyldaıdy. Sondaı-aq patrýldik narıadtar is-sharalar ótkiziletin oryndarǵa barynsha jaqyn bolady.
