Foto: Senat
Aldaǵy beısenbide senatorlar «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi barynsha azaıtý, qaryz alýshylardyń quqyqtaryn qorǵaý, qarjy naryǵyn retteý jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zańdy qaraıdy.
Qujatta ekinshi deńgeıli bankter úshin jeke tulǵaǵa áıeliniń nemese kúıeýiniń kelisiminsiz qaryz berýge tyıym salý týraly norma qarastyrylǵan. Kelisim qajet bolatyn kredıtti alý tártibi men onyń eń tómengi mólsheri ýákiletti organnyń normatıvtik quqyqtyq aktisinde aıqyndalady.
Sonymen qatar Palata Bıýrosy 24 mamyr kúni «Memleket basshysynyń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyn iske asyrý sheńberinde «Qazaqstan Respýblıkasynda ekonomıkanyń óńdeýshi sektoryn damytý»taqyrybyna arnalǵan parlamenttik tyńdaý ótkizý týraly qaýly qabyldady.
Máýlen Áshimbaev atalǵan tyńdaýdyń mańyzdy ári ózekti ekenine nazar aýdardy. Memleket basshysy Qasym-Jomart Toqaev óz Joldaýynda óńdeý sektoryn jedel damytý arqyly myqty ónerkásiptik negiz qalyptastyrýdy tapsyrǵan bolatyn. Senat Tóraǵasy bul rette el ekonomıkasynyń básekege qabilettiligin arttyrý úshin joǵary deńgeıde óńdelgen ónim shyǵaratyn klaster qurý qajet ekenin atap ótti.
Odan bólek, Bıýro otyrysynda Májilisten kelip túsken zańdar jumys úshin turaqty Komıtetterge bólinip berildi.
