Foto: Prezıdent janyndaǵy Memlekettik basqarý akademııasy
Elordada bastalǵan offlaın oqytý semınarynda elimizdegi áriptesterine BAÁ úkimet músheleri men memlekettik uıymdarmen tyǵyz jumys isteıtin bedeldi tulǵalary dáris ótkizdi. Eki kúnge sozylatyn oqytý aıasynda el ekonomıkasyndaǵy ózekti máselelerdi sheshýdiń tıimdi joldary túsindirilmek.
Ekijaqty yntymaqtastyq aıasynda áleýetti arttyrý tájirıbesine kóńil bólinip otyr. Baǵdarlama aıasynda Prezıdent janyndaǵy Memlekettik basqarý akademııasy men Muhammed ben Rashıd memlekettik basqarý mektebi memlekettik organdardyń basshylaryn birlesip oqytyp jatyr. Iаǵnı Qazaqstan BAÁ-ge sıfrlandyrýǵa jaýapty vıse-mınıstrlerdi oqytýǵa jiberse, olar jasandy ıntellektini qoldana otyryp, túrli salalardaǵy memlekettik basqarýdyń jańa tásilderi men ádisterin bólisýge nıetti.
BAÁ Mınıstrler Kabıneti mınıstriniń básekege qabilettilik jáne tájirıbe almasý máseleleri jónindegi orynbasary Abdýlla Nasser Lýta bastaǵan delegasııa da eki el arasyndaǵy mádenı, ekonomıkalyq baılanystyń nyǵaıýyna múddeli. «Tek ol ǵana emes, búgin memlekettik qyzmetkerler tájirıbe almasyp jatyr. Bul degenimiz biz úshin de úlken mártebe. Aldaǵy ýaqytta aýqymdy jobalardy birlesip júzege asyrýǵa daıynbyz», deıdi mártebeli meıman.
Prezıdent janyndaǵy Memlekettik basqarý akademııasynyń rektory Erlan Ábildiń sózinshe, memlekettik saıasatty júrgizýde arab halqynyń tıimdi tájirıbeleri kóp. Búginniń ózinde bul eldiń vedomstvoaralyq kommýnıkasııalardy ońtaıly qoldaný jáne júzege asyrý baǵytyndaǵy jumysyn úlgi etip otyrǵan memleketter bar. Sondyqtan vıse-mınıstrler men orynbasarlary, kvazısektor men departament basshylary, akademııa ókilderinen 33 adam ár túrli topqa bólinip, óz salalary boıynsha arab áriptesteriniń dárisin tyńdady. Al kelesi joly Qazaqstan delegasııasy BAÁ-ge barý kózdelip otyr. Sebebi damý qarqyny joǵary, tájirıbesi ozyq elden úırener dúnıe áli de kóp.
