Foto: kursiv.media
Memlekettik tildi, sondaı-aq elimizdiń tarıhy men Konstıtýsııasynyń negizderin bazalyq deńgeıde bilmegenderge azamattyq berilmeıdi. Al tildi meńgerýdiń tıisti deńgeıin Ǵylym jáne joǵary bilim mınıstrligi belgileıdi.
Osy tusta Saıasat Nurbek kóshi-qon zańnamasyna ózgerister engizilgenin tilge tıek etti.
«Endi azamattyqty alý úshin test tapsyrý kerek. Bul álem elderindegi qalypty tájirıbe, ıaǵnı AQSh, Kanada, Germanııa, Túrkııada, Reseıde osyndaı tártip bar. Bizdegi testiniń úsh komponenti bolady. Memlekettik - qazaq tilin meńgerý, Konstıtýsııa negizderi men Qazaqstan tarıhyn bilý eskerilgen. Qazir arnaıy jumys tobyn quryp jatyrmyz. Tıisti ereje men test suraqtary ázirge daıyn emes. Osy testini daıyndaý kerek», dedi vedomstvo basshysy.
Mınıstr bul jumystyń jedel tártipte iske asatynyn aıtty.
Eske sala keteıik, bıyl Parlament kóshi-qon salasyndaǵy zańnamany jetildirý týraly zańdy qarady. Onyń aıasynda Qazaqstan Respýblıkasynyń azamattyǵyn alǵysy keletin sheteldikterge qazaq tilin meńgerý mindetteledi.
Qyrmyzy JUMAǴALIQYZY,
EUÝ stýdenti
