Foto: Artem Chýrsınov
Sý tasqynynan zardap shekken óńirlerde turatyn 3,5 myńnan astam oqýshy bıyl aralyq jáne qorytyndy emtıhan tapsyrmaıdy. Atyraý, Aqtóbe jáne Soltústik Qazaqstan oblystarynda oqýshylardyń qorytyndy baǵasy jyldyq baǵalary negizinde shyǵarylady. Bul týraly Qazaqstan ulttyq arnasy habar taratty.
Aıta ketsek, bıylǵy oqý jylyn 3 mln 800 myń oqýshy aıaqtaǵaly otyr. Osy tusta Oqý-aǵartý mınıstri Ǵanı Beısembaev sý tasqynynan zardap shekken óńirlerde 3800-den astam bala saýyqtyrý ortalyqtaryna jiberiletinin aıtty.
Qazirdiń ózinde 628 bala demalyp jatyr. Odan bólek «Qazaqstan halqyna» qorynyń qoldaýymen 20 myń bala tegin demalýǵa múmkindik alady. Onyń ishinde sý tasqynynan zardap shekken óńirlerdiń oqýshylaryna, halyqtyń áleýmettik osal toptarynan shyqqan aýyl balalaryna basymdyq beriledi.
«Bıyl elimizde 10 myńnan astam demalys ornynda 3 mıllıonǵa jýyq bala jazǵy demalysyn ótkizedi», dedi mınıstr.
