Foto: A.Baıjumanov
Zańda satyp alynatyn taýarlardyń, jumystar men kórsetiletin qyzmetterdiń sapasyn arttyrý úshin memlekettik organdardyń osy aqparattyq júıesin keńinen paıdalaný jáne qoǵamdyq baqylaýdy engizý arqyly ónim berýshini tańdaýda baǵadan tys ólshemsharttardy damytý usynylady. Satyp alý jáne bıýrokratızasııa prosesin ońaılatý maqsatynda shaǵymdardy qaraýdyń jańa tetigin engizý, sondaı-aq baqylaýshy organ – Ishki memlekettik aýdıt komıtetiniń rólin qaıta qaraý josparlanyp otyr.
Búgingi tańda jekelegen iri kompanııalardyń monopolııalyq jaǵdaıy men olardyń qurylys jumystaryn qosalqy merdigerlikke berýine negizdi syn da bar. Osyǵan baılanysty shartty jeńildikterdi esepteý kezinde aýmaqtyq belgi men teris mán túrindegi baǵa sharttaryn qoldaný jalǵasatyn bolady. Jumystardy oryndaý ornynda tirkelgen ónim berýshilerge 1% mólsherinde shartty jeńildik beriledi. Bul ólshem shaǵyn jáne orta bıznesti damytýǵa jáne qoldaýǵa, sondaı-aq tıisti óńirde salyq túsimderin ulǵaıtýǵa yqpal etedi.
Odan basqa, memlekettik satyp alýdyń biryńǵaı operatory – «Elektrondyq qarjy ortalyǵy» AQ bazasynda satyp alý boıynsha biryńǵaı tuǵyrnama qurylatyn bolady. Birinshi kezeńde aǵymdaǵy satyp alý alańdary saqtalady jáne satyp alý boıynsha egjeı-tegjeıli aqparat jınaý jáne kórsetý úshin ıntegrasııa júrgiziledi. Bul qolda bar satyp alý alańdaryn bir mezgilde ajyrata otyryp, biryńǵaı satyp alý portalyna kezeń-kezeńimen kóshýge múmkindik beredi.
