Kirpishtiń jańa túri

Innovasııalyq ónimniń basty artyq­shylyǵy – quny tómen, naryqtaǵy sapasy joǵary, ekologııalyq ónim sanalady. Sonymen birge atalǵan tehnologııanyń naryqtaǵy ózektiligi – kirpish óndirý úshin jańa kompozısııalyq materıal­dardy paıdalaný tehnıkalyq jáne eko­nomıkalyq turǵydan negizdelgen. Bul tutynatyn materıaldy azaıtyp qana qoımaı, óndiris shyǵynyn 20 paıyzdan astamǵa tómendetip, kirpishtiń sortyn 50-den 250 MPa-ǵa deıin arttyrady.

Tehnologııanyń biregeıligi men jańalyǵy – Ekibastuz kómiriniń kúlin kádege jaratý arqyly gıperpresstelgen kirpish óndirý tehnologııasyna jańa materıaldar men qalyptaý rejimderi paıdalanylady.

Bul úshin qural-jabdyqtar tolyǵymen alynyp, sehqa jeli ornatyldy. Qazir óndiristik júıe iske qosylyp, qajetti shıkizat pen materıaldar jetkizilip otyr. GOST 1078, GOST 31108 sáıkes óndiriste qoldanyp baılanystyratyn materıaldardy synaý boıynsha tıisti tájirıbe jasaldy. Quramynda óndiriske qajetti sement pen kúli bar kompozısııalar synaqtan ótti. Kirpish­ke arnalǵan qospalardyń tehnologııa­lyq parametrleri anyqtalyp, qalyp­ty tyǵyzdyq, kúl men kúldi qosatyn sement pastasy fızıkalyq-mehanıkalyq synaýlar arqyly, al kúldiń túsýin ba­qylaý óndiriste qoldanylatyn qospa­lardyń qaýipsizdigin kórsetetin rent­gen-flýoressensııalyq taldaý arqyly júrgizildi.

Shıkizattardyń, qospalardyń jáne shyńdalǵan materıaldardyń para­metr­lerin baqylaý belgili standarttalǵan ádister boıynsha: GOST 30744-200, GOST 10178, GOST 3108, GOST 8736-2014 arqyly atqaryldy. Shıkizat sapasynyń barlyq kórsetkishi sement úlgileriniń maıysý jáne syǵymdalýyn synaý arqyly anyqtaldy. Barlyq ónimdilik kórset­kishi fızıkalyq jáne hımııalyq taldaý derekterimen jáne joǵary qysymdy elektrondy mıkroskopııalyq derektermen rastaldy.

О́nimder naryqqa shaǵyn jáne orta bıznes ókilderiniń qatysýymen «Astana Garant Consulting» JShS semınary arqyly shyǵarylady.

Bıyl tehnologııalyq kórsetkish­ter­diń sapasyn qamtamasyz etý, gıper­presstelgen kirpish óndirýdiń tehnolo­gııa­lyq reglamentin daıyndap, ónimdi synaý jáne sertıfıkattaýǵa ázirlep, daıyn ónim­di ótkizý mindetteri qoıyldy. Qazir ónim­di sertıfıkattaý jumystary aıaqtalýǵa jaqyn.

Ýnıversıtet ǵalymdarynyń aıtýyn­sha, gıperprestelgen kirpishter óndi­­ris qal­dyqtaryn paıdalaný arqyly qor­­sha­ǵan ortany qorǵaýǵa da aıtarlyqtaı úle­sin qospaq.