Foto: kazgazeta.kz
Atap aıtqanda, Úrjar aýdanynda Keldimurat (30 mln.m3) jáne Kókterek ózenderinde (31,4 mln.m3) sý qoımalary boı kóteredi. Al Kókpekti aýdanyndaǵy Kishi Bóken ózeninde (30 mln.m3) jáne Aqsýat aýdanynda Qarǵyba (20 mln.m3) men Bazar (45 mln.m3) ózenderinde jańa sý qoımalary salynady. Qurylys jumystary 2024-2030 jyldary iske asyrylýy tıis.
Búgingi tańda Qarǵyba sý qoımasynyń tehnıkalyq-ekonomıkalyq negizdemesi daıyn. Qalǵan 4 joba boıynsha mınıstrlikke qarasty Sý sharýashylyǵy komıteti ınvestısııalyq usynys ázirlep jatyr.
«Jańa sý qoımalarynyń qurylysy halyqtyń ómir sapasyn jaqsartyp, óńirdiń ekonomıkalyq damýyna eleýli úles qosady jáne jergilikti sharýalardy turaqty sýmen qamtamasyz etýge tıimdi yqpal etedi. Osyǵan deıin mınıstrlik Qazaqstan Respýblıkasynyń sý salasyn damytýdyń 2028 jylǵa deıingi Keshendi josparyn ázirledi. Atalǵan jumystar osy qujat sheńberinde júrgiziledi», dedi Sý resýrstary jáne ırrıgasııa mınıstri Nurjan Nurjigitov.
