Foto: A.Baıjumanov
Senat komıtetiniń tóraǵasy Nurtóre Júsip óz sózinde farmasevtıka ekonomıkadaǵy kóshbasshy salanyń biri bolýy tıis ekenin atap ótti.
«Qazaqstannyń farmasevtıka salasynda 80-nen astam otandyq óndirýshi jumys isteıdi, olardyń kópshiligi 900-den astam dárilik preparat túrin óndirip keledi. Medısınalyq kásiporyndar myńnan astam medısınalyq buıymdar men jabdyqtar shyǵarady. Alaıda, problemalar da bar. Búgingi tańda eń mańyzdy mindetterdiń biri – dárilik preparattar men medısınalyq buıymdar óndirisin damytý», dedi senator.
Depýtattar halyqty qaýipsiz, tıimdi jáne sapaly dári-dármekpen jáne medısınalyq buıymdarmen qamtamasyz etý, sondaı-aq farmasevtıka salasyn damytý keleshegine baılanysty problemalyq máselelerdi kezdesýge qatysýshylarmen birlesip talqylady.
Jıyn barysynda densaýlyq saqtaý salasyndaǵy jaǵdaıdy jaqsartýǵa jáne farmasevtıka ónerkásibin odan ári damytýǵa baǵyttalǵan jumystyń negizgi basymdyqtary anyqtaldy. Innovasııalardy yntalandyrý, otandyq óndirýshilerdi qoldaý, sondaı-aq medısınalyq ónimderdiń sapasyn baqylaý tetikterin jetildirý máselelerine erekshe nazar aýdaryldy.
