«Altyn belgi» ıegerlerine aıryqsha múmkindik

Sońǵy qońyraý saltanatynda úzdik oqýshylar ýnıversıtet tabystaǵan bilim granttaryna ıe bolǵan edi. Daryndy jastarǵa berilgen bul múmkindik olardyń ári qaraı kásibı ósýine eleýli qoldaý bolary sózsiz. Bul Abaı óńirindegi bas­ty bilim berý kúshi retinde kadr­lardy daıar­laý jáne tulǵalyq ósýdi damytý múmkindikterin qam­ta­masyz etetin, bolashaq kadr resýrs­taryn qalyptastyrý­men belsen­di aınalysatyn Shakarim University róliniń erekshe ekenin kórse­tedi. Oblystyń ozyq túlek­terin óńirlik ýnıversıtetke tar­tý­dyń mundaı tájirıbesi buryn-sońdy bolmaǵanyn da osy tusta aıryqsha atap ótkenimiz jón.

«О́ńirimizdegi nebir daryndy túlekter joǵary oqý oryndaryna tańdaý jasar sátte sheteldik nemese elimizdiń ózge ortalyq ýnıver­sıtetterin tańdaýy bek múmkin. Biraq Shákárim ýnıversıteti usynǵan tegin oqý sertıfıkattary kóptegen daryndy mektep túlekteriniń óz óńirinde qalýyna ájeptáýir áser etedi dep senemiz. Sondaı-aq bizdiń strategııamyz da olardyń óz áleýetin tolyq iske asyra alatyndaı jaǵdaı jasaýǵa baǵyttalǵan. Sertıfıkattardy tapsyrý kezin­de balalar men olar­dyń ata-analarynyń júz­derinen osyndaı qosymsha múmkindikterdiń berilip jatqanyna úlken rıza­shy­lyqtaryn bildirgenderin baı­qadyq. Bizdiń maqsatymyz – olarǵa týǵan ólkesine qajet ekendikterin jetkizý», deıdi Shakarim University rektory Dýman Orynbekov.      

Shakarim University atal­ǵan baǵdarlamadan bólek, basqa da bastamalar boıynsha kósh ilgeri. Bilim ordasynyń zııatkerlik áleýetin arttyrý maqsatynda yntymaqtas­tyq strategııasy ázirlenip, turaqty túrde sheberlik sabaqtary, trenıngter, tanymal professorlardyń ashyq dáristeri, arnaıy semınarlar turaqty túrde uıymdastyrylyp keledi. Sonymen qatar aımaqtyń kez kelgen, tipti eń shalǵaı jerindegi mekteptermen tikeleı baılanys jasaı­tyn qabyldaý komıssııasy­nyń ınnovasııalyq úrdis­teri sıfrlyq baılanys quraldaryn paıdalana otyryp, daryndy oqýshylar­men baılanys ornatýǵa kómektesedi.

Atalǵan joǵary oqý or­nyn­da jastarǵa 2 jyl boıy sheteldik seriktes ýnıversıtetterde, atap aıtsaq, Reseı, Koreıa, Polsha syndy memleketterde bilim alýǵa múmkin­dik beretin qos dıplomdyq baǵdarlamalar boıynsha oqy­tý qarastyrylǵan. Bul rette ǵylym men tehnıkanyń damý úrdisin eskere otyryp, jeke­legen maman­dyqtar bo­ıynsha kadrlardy daıarlaý merzimderi de qaıta qaraldy. Osylaısha, oblys jastary eńbek naryǵyna IT, ekonomıka, geodezııa salalaryndaǵy bilikti maman retinde bilim baǵdarlamasyn ádettegideı 4 jylda emes, 3 jylda támam­dap, qatarǵa qosyla alady. Bul bastama jumys berýshiler men talapkerlerdiń suranystaryn ótep qana qoımaı, sonymen qatar daryndy jastardy tartýdyń tıimdi strategııalaryn jasaýǵa aıtarlyqtaı múmkindik beredi.

Bilim grantynyń sertıfıkattary Shakarim University tabal­dyryǵyn attaǵan árbir talap­ker úshin damý men ózin-ózi je­til­dirýge shyn máninde keń múmkin­dikter ashady. Túlekterdiń biri – Aldııar Tóleýbekovtiń ata-anasy «Eli­mizdegi belgili óńirlik joǵary oqý ornynan bilim granty sertıfıkatyn alý otbasy úshin tamasha ári kútpegen tosyn-syı» ekenin atap ótip, ýnıversıtet bastamalarynyń aldaǵy ýaqytta da jemisti bolýyna tilektestigin bildirdi.

Kóptegen bastamany biriktire otyryp, aka­de­mııalyq jetistikter orta­lyǵyna aınalǵan ýnıversıtet qazirgi tańda aımaqtyń ekonomıkalyq máselelerin sheshý úshin mamandar bazasyn quryp jatyr. Bul mysal jaı ǵana kór­setkish emes, Memleket bas­shy­sy Q.Toqaevtyń jańa býyn ma­man­­darynyń ró­lin arttyrýǵa, óńir­lerdegi jastardyń kadrlyq rezerv qoryn qurýǵa qatysty alǵa qo­ı­ǵan mindetteriniń sheshimin baryn­­sha aıqyn kórsetedi. 2023-2024 oqý jy­l­ynda Shakarim University-de za­­manaýı modeldegi jańa tehno­lo­gııalarmen jabdyqtaý, ýnıver­sı­tettiń akademııalyq kollaborasııa dıapazonyn keńeıtý, ǵy­lymı áleýetin kúsheıtý syndy kóp­tegen ózgeris júrgizilip jatyr.

О́tken oqý jylynda úzdik mektep túlekterin ýnıversıtetke tartý jumystary bo­ıynsha saraptama jasasaq, Shakarim University óńir bo­ıynsha joǵary bilim berý sektoryndaǵy kóshbasshy oqý orny ekenin anyq kórsetti. Sapaly bilimge, aımaqtyń bolashaǵyna salynǵan ınvestısııa sózsiz úlken ózgeristerge ákeledi. Sebebi bilim jáne ǵylym – HHI ǵasyrdyń damý alǵysharty.