Mektep janyndaǵy jáne qala syrtyndaǵy lagerler oqýshylardy qabyldaýǵa qyzý daıyndyqqa kirisken. Olardyń jumysy 3 maýsymda bastalady. Oblystyq bilim basqarmasy basshysynyń orynbasary Baqtygúl Ádekenova aımaqta 160 myń bala lagerlerge barady deıdi.
«Qala syrtyndaǵy lagerlerge 7 myń, mektep janyndaǵy lagerlerge 140 myńnan astam bala barady. Erekshe bilim berý qajettiligi bar 2 myń balaǵa óz mektep-ınternattarynda lager uıymdastyrylady. Qosymsha bilim uıymdary kestemen jumys isteı beredi. 1 maýsymda Prıshahtınskide jańa Oqýshylar saraıy ashylady. 600 balaǵa arnalǵan «Káýsar» saraıynyń ǵımaraty barlyq standartqa saı. Qosymsha bilim úshin barlyq jaǵdaı qarastyrylǵan. HI-TECH, shyǵarmashylyq sheberhanalary, horeografııa zaly, ART-stýdııa, dybys jazý stýdııasy, televıdenıe jáne fotostýdııa, VR-arhıtektýra jáne WEB-dızaın stýdııasy, Intellectum-stýdııa, robottehnıka jáne tehnıkalyq shyǵarmashylyq stýdııasy, STEM zerthana, mýzyka stýdııasy, ekologııalyq ortalyq baǵyttary jumys isteıdi. Mundaı saraı Maıqudyqta da ashylady degen jospar bar», deıdi B.Naýqanbaıqyzy.
1–31 tamyz aralyǵynda mektepke deıingi uıymdardyń tárbıelenýshilerin toptarǵa aýystyra bastaıdy. Búgingi tańda oblysta 411 mektepke deıingi uıym jumys isteıdi. Olarda 39 323 bala qamtylǵan. Bul 2 jastan 6 jasqa deıingi balalardyń 82,6 paıyzyn quraıdy.
Mektepke deıingi uıymdarda jańa oryndar qurý jumystary atqarylyp jatyr. Osy jyly 2 myńǵa jýyq jańa oryn ashý josparlarynda bar. Jyl basynan beri Abaı, Osakarov, Buqar jyraý aýdandary men Shahtınsk qalasynda 343 oryn ashylǵan. Qazirgi ýaqytta «Indıgo» men UBBDQ júıeleri biryńǵaı respýblıkalyq kezekke kóshirý aıasynda biriktirilip jatyr. Biryńǵaı kezek engizilgennen keıin ata-analar oryn «ustap alýǵa» tyryspaıtyn bolady. Júıe bos oryndar týraly avtomatty túrde habarlap otyratyn bolady.
Qazir 1-synypqa qujat qabyldanyp jatyr. Ol 31 tamyzǵa deıin jalǵasady. О́tinimdi eGov, «Bilimal» júıesi arqyly «1-synypqa qabyldaý» memlekettik kórsetiletin qyzmetter portalynda jáne qaǵaz júzinde berýge bolady. Bıyl 1-synypqa 16 myńnan astam oqýshy barady.
Qaraǵandy oblysy
