Foto: Aleksandr Jabchýk
Bul kelisim eki el aýmaǵy arqyly konteınerlik poıyzdar úshin eksporttyq jáne ımporttyq tasymaldaýdy arttyrý boıynsha yntymaqtastyqty odan ári damytýǵa baǵyttalǵan.
Kelisimdi júzege asyrý nátıjesinde Qytaı Transkaspıı halyqaralyq kólik baǵytynyń munaı qubyry men port ınfraqurylymy jobalaryn qarjylandyrýǵa, sondaı-aq eki el arasyndaǵy júkterdi tranzıttik tasymaldaýdy júzege asyrýǵa járdemdesetin bolady.
«Transkaspıı halyqaralyq kólik baǵytynyń Azııadan Eýropaǵa tikeleı júk jetkizý múmkindigi zor. Búginde bul jol arqyly munaı, munaı ónimderi, metaldar, astyq, hımııalyq zattar, soda jáne basqa da taýarlar eksporttalady. Al ımportta tutyný taýarlary, azyq-túlik, temir rýdalary, qara metaldar, hımııalyq zattar, munaı ónimderi basym», delingen Májilis habarlamasynda.
Eýropalyq qaıta qurý jáne damý bankiniń baǵalaýy boıynsha, ınvestısııalyq jobalardy iske asyrý jáne Transkaspıı halyqaralyq kólik baǵytymen úzdiksiz baılanysty qamtamasyz etý sharalary arqyly konteınerlik tasymaldaý kólemi 2040 jylǵa qaraı konteınerler 470 myńǵa deıin, al jalpy Ortalyq Azııa elderin esepke alǵanda 800 myńǵa deıin ulǵaıtylady.
Erlan KIIKBAI,
L.N.Gýmılev atyndaǵy EUÝ stýdenti
