Foto:polisia.kz
Nátıjesinde 2024 jyly kásiporyndarda jasalǵan urlyq sany shamamen 46%-ǵa azaıdy.
«Qarmet» metallýrgııalyq kompanııasynyń nysandarynda urlyq jasap, onyń qyzmetkerlerine qatysty basqa da aýyr qylmys jasaǵan birneshe uıymdasqan top ustaldy.
О́tken jyldyń naýryz aıynda «Qarmet» AQ-nyń metall ónimderin urlaýmen aınalysqan 40 adamnan turatyn uıymdasqan qylmystyq top pen basshysy ustaldy.
Sondaı-aq 2023 jyldyń tamyz aıynda aımaqtaǵy krımınogendik jaǵdaıǵa jáne kompanııanyń qyzmetine teris áser etken taǵy bir uıymdasqan qylmystyq top kóshbasshysy men 27 múshesi qolǵa tústi.
«Qylmystyq isterdi tergeý nátıjeleri boıynsha olardyń Qaraǵandy oblysynyń aýmaǵynda mıllıondaǵan jymqyrý, sondaı-aq aýyr jáne asa aýyr qylmystar jasaǵany týraly dálelder jınaldy. Tergeý aıaqtaldy. Endi ister prokýrorǵa zertteý jáne ary qaraı sotqa jiberý úshin joldanady», dedi IIM uıymdasqan qylmysqa qarsy kúres departamentiniń ókili Qýandyq Alpys.
Byltyr jeltoqsan aıynda Qaraǵandy oblysynyń Abaı aýdanyndaǵy «Qarmet» kásipornynyń shahterlerin bopsalaýmen aınalysqan uıymdasqan qylmystyq toptyń áreketi áshkere boldy.
Bıyl sáýir aıynda IIM, UQK jáne Memlekettik kúzet qyzmeti Bas prokýratýra birlesip, metallýrgııa kombınatynan asa iri mólsherdegi aqsha urlaý boıynsha qylmystyq shemany jolǵa qoıǵan qylmystyq toptyń múshelerin ustady.
«Qylmystyq shema baqylaýdaǵy merdigerlik jáne kúzet uıymdary arqyly joq taýardy jetkizýden turǵan. Shyǵyn 1,5 mlrd teńgeden asady. Ustaý jáne tintý sharalary bir mezgilde Qaraǵandy, Temirtaý jáne Almaty qalalarynda ótkizildi. Kúdiktiler qamaýǵa alyndy. Kásiporyndaǵy urlyqqa jol bermeý boıynsha jumys erekshe baqylaýda», dedi Qýandyq Alpys.
